Misambu 62:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Mutshima wanyi udi muhuwe talalâ windila Nzambi nkayandi; luhandu luanyi ludi lufuma kudiye;

MUKANDA WA MYIDI MUKULU

¹ Musambu wa mu mukanda wa mulombodi wa bena misambu. Wa kuimba bu Yedutune. Musambu wa mu mukanda wa misambu ya Davide.

Misambu 62:1 交叉引用

Misambu 62:2

Yeye nkayandi udi dibue dianyi ne luhandu luanyi, tshibumba tshianyi tshile; tshiena nyungishibua bikole.

Muadi 3:25

Yehowa udi ne luse kudi badi bamuindila, kudi muetu udi umukeba.

Misambu 33:20

Muoyo wetu udi windila Yehowa; yeye udi dikuatshisha dietu ne ngabu wetu.

Misambu 37:7

Shala holâ ku mpala kua Yehowa, umuindile ne lutulu. Kunyingabadi bualu bua muntu udi ututa dikasa dimpe mu nshila muandi, ne bua muntu udi ujadika malu mabi adiye uhangidisha.

Yakobe 5:7

Nunku, bana betu, nuikale ne lutulu tô ne halua Mukelenge. Monai tshidime udi windila mamuma a mushinga mukole a ha buloba, muikale ne lutulu bua bualu buau tô ne halokelau nvula ya diambedi ne yalua ku nyima.

Yeshaya 40:31

badi bindila Yehowa nebasangashe bukole buabo; nebabande mulu ne mahuahua bu nyunyu ya mukanku, nebanyeme lubilu ne kabena babungila, nebende ne kabena bateketa.

Yeshaya 12:2

Mona, Nzambi udi luhandu luanyi; nemmueyemene, ne tshiena ntshina nansha; bualu bua Yehowa, Yehowa mene, udi bukole buanyi ne musambu wanyi, ne yeye wakulua luhandu luanyi.

Misambu 40:1

Nakindila Yehowa ne lutulu, wakatelela matshu andi kundi, wakunvua muadi wanyi.

Misambu 123:2

Mona, bu mudi mesu a bena mudimu matangisha ku tshianza tshia nfumu wabo, bu mudi mesu a muenu mudimu mukashi matangisha ku tshianza tshia nfumu wandi mukashi; mbu mudi mesu etu atangila Yehowa Nzambi wetu tô ne hatufuileye luse.

Muadi 3:38

Makenga ne masanka kabiena bifuma kudi Mutambe Bunene wa mu Diulu, anyi?

Misambu 121:2

Dikuatshisha dianyi didi difuma kudi Yehowa, wakafuka diulu ne buloba.

Yeshaya 30:18

Nunku Yehowa udi windila bua kunulesha dinanga diandi; ne bua muanda eu neadioshe bua kunulesha luse; bualu bua Yehowa udi Nzambi udi ulumbulula biakane; bonso badi bamuindila badi bavudishibue disanka.

1 Kulondolola 25:1

Bualu bukuabo kabidi, Davidi ne tupitene tua masalayi bakasungula bana balume bakuabo ba Asafa ne ba Hemana ne ba Yedutuna, bua kuimbabo misambu ne nzenze ne bisanji ne biamu bia kukumakasha; bungi buabo bakenza mudimu eu mu milongo yabo buakadi nunku:

Misambu 37:39

Kadi luhandu lua bantu bakane ludi lufuma kudi Yehowa; yeye udi tshinyemenu tshiabo halua tshikondo tshia dikenga.

Misambu 27:14

Windile Yehowa; wikale ne bukole, ne mutshima webe wikale ne dikima; e, windile biebe Yehowa!

Yirmeya 3:23

Bulelela, dikuatshisha didibo batekemena ku mikuna mihi didi hatuhu, ne tshintompatompa tshia ha mikuna mile tshidi hatuhu kabidi; bulelela, luhandu lua Bena Isalele ludi lufuma kudi Yehowa Nzambi wetu.

Misambu 77:1

Neudile kudi Nzambi ne dî dikole, nendile ne dî dikole kudi Nzambi, ne yeye neateleshe matshu andi kundi.

Misambu 65:1

Nzambi, kukutumbisha kudi kukuindila talalâ mu Siona; nebakushikishile wewe mitshihu.

Misambu 39:1

Nakamba ne, Nendame mundi ngenda mu nshila yanyi, bua tshienji bibi ku ludimi luanyi. Nenteke tshintu tshia kujibika nʼatshi mukana muanyi, tô ne hatshidi muntu mubi ku mpala kuanyi.

Misambu 25:5

Undombele biebe mu bulelela buebe, unyishe; bualu bua wewe udi Nzambi wa luhandu luanyi; ndi nkuindila wewe dinda tô ne ku dilolo.

1 Kulondolola 25:3

Ba Yedutuna, bana ba Yedutuna: Gedaliya ne Seli ne Yeshaya ne Hashabeya ne Matitiya, basambombo bakadi ku nyima kua tatu wabo Yedutuna ne nzenze, bakimba misambu ya kusakidila ne ya kutumbisha nʼai Yehowa.