Misambu 55:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Tuakadi tuyikilangana hohamue ne diyiki dimpe; tuakadi tuenda nʼebe diatshimue ne tshisumbu tshia batendeledi bua kubuela mu nsubu wa Nzambi.

MUKANDA WA MYIDI MUKULU

¹⁴ Kadi udi unduisha udi amu wewe, muena mulongu, mulunda wanyi wa pa muoyi, umvua mutekemene muanyi muonsu!

Misambu 55:14 交叉引用

Misambu 42:4

Ndi nvuluka malu â handi mpumuna muoyo munda muanyi: bu munakaya ne tshisumbu tshia bantu, bu munakabalombola benda mu mulongo bua kuyabo ku nsuhu wa Nzambi, bela biabo mbila ya disanka ne bimba misambu ya kumutumbisha nʼai. Bakadi tshisumbu tshinene tshia bantu bavuluka biabo dituku dia tshijila.

Yezekiyele 33:31

Nunku badi balua kûdi bu muakadibo balua diambedi, ne badi bashikama ku mpala kuebe badifuanyikisha bu bantu banyi; badi bunvua mei ebe, kadi kabena baenza; badi ne dinanga dinene ku mishiku, kadi mitshima yabo idi mitangisha ku luhetu luabo.

Yeshaya 2:3

Bantu ba bungi nebayeku, nebambe ne, Luai bienu, tubande ku mukuna wa Yehowa, tubuele mu nsubu wa Nzambi wa Yakoba; bua yeye atuyishe bienzedi biandi, ne bua tuetu tuende mu nshila yandi. Bualu bua diyisha dia mikenji nedifume mu Siona, ne dî dia Yehowa nedihatuke mu Yelushalema.

Misambu 122:1

Nakadi ne disanka hakungambilabo ne, Tuye mu nsubu wa Yehowa.

Yobe 19:19

Bantu bonso banakeyemena badi bandengulula, banakunanga bakungela nyima.

Misambu 41:10

Kadi wewe, Yehowa, unfuile luse, umbishe kabidi; bua meme kumanya mua kubahingashila difutu diabo.