Misambu 51:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Kungihatshi bua tshikadi ku mpala kuebe, kungumushidi Nyuma webe Muimpe.

MUKANDA WA MYIDI MUKULU

¹¹ Kutangidi bilema bianyi, kupula bubi buanyi buonsu.

Misambu 51:11 交叉引用

Efeze 4:30

Kanunyingalashi Nyuma Muimpe wa Nzambi, nuakahebua tshimanyishilu kudiye munda muenu tshidiku tô ne halua dituku dia buhikudi.

2 Bakalenga 13:23

Kadi Yehowa wakabalesha dinanga, wakabafila luse, wakabalesha kalolo, bualu bua tshihungidi tshiakahungeye ne Abalahama ne Isaka ne Yakoba, yeye wakabenga bua kubabutula, kakabihata ku mesu kuandi.

Rome 8:9

Kadi nuenu kanuena nuikala mu malu a mubidi, nudi nuikala mu malu a Nyuma, bikala Nyuma wa Nzambi munda muenu. Ne bikala muntu kai ne Nyuma wa Kilisto, kena wa Kilisto nasha.

Genese 6:3

Yehowa wakamba ne, Nyuma wanyi kena utendekena bantu tshiendelele, bualu bua badi anu ba ha buloba, ne matuku abo neikale bidimu lukama ne makumi abidi.

Yowanane 14:26

Kadi Musambi, Nyuma Muimpe mene, watumabo kudi Tatu mu dina dianyi, yeye neanuyishe malu onso, neanuvuluishe mei onso anakunuambila.

Luke 11:13

Nunku nuenu bantu babi, binuamanya mua kuha bana benu bintu bimpe, Tatu wenu wa mu diulu kena uha batu bamulomba Nyuma Muimpe, anyi?

Misambu 71:18

Nzambi, kundekedi nansha, tô ne ku bununu buanyi ne hangikala ne nvi; kundekedi tô ne bangambila ba mu tshikondo tshialua bua tshianza tshiebe tshikole, ne hangambila badi bandonda ku nyima bua bukole buebe.

1 Samuele 16:14

Nyuma wa Yehowa wakumuka kudi Shaula ne nyuma mubi mufume kudi Yehowa wakamutatshisha.

1 Samuele 10:10

Hakafikabo ku mukuna, monai, tshisumbu tshia baprofete tshikasangila nʼandi: Nyuma wa Nzambi wakatulukila Shaula bikole, ne yeye wakamba dî dia Nzambi munkatshi muabo.

Balombodi 16:20

Yeye wakamba ne, Shimishona, Bena Peleshete badi hamʼbidi hebe. Yeye wakatabala ku tulu tuandi, wamba ne, Nenduhuke bu misangu mikuabo ya diambedi, nendihandishe nkayanyi mu bianza biabo. Kadi yeye kakadi mumanye ne, Yehowa wakamana kundekela.

2 Tesalonike 1:9

bobo aba nebahete dikenga, dibutuka dia tshiendelele mene, dia ku mesu kua Mukelenge ne ku butumbi bua bukole buandi,

Misambu 71:9

Kungumushi kûdi mu tshikondo tshia bununu buanyi; kunshiyi hatuhu hahanga bukole buanyi.

2 Bakalenga 24:20

Tshiji tshia Yehowa tshiakakumbana kudi Bena Yelushalema ne kudi Bena Yuda tô ne hakumusheye bonso ku mesu kuandi. Sedekiya wakatombokela mukelenge wa Babulona.

2 Samuele 7:15

luse luanyi lujalame kaluena lumuka kudiye, bu munakalûmusha kudi Shaula, unakumusha ku mpala kuebe.

Balombodi 15:14

Hakaluabo nʼandi ku Lehi, Bena Peleshete bakela tshibingu hakasangakenabo nʼandi; Nyuma wa Yehowa wakamutulukila bikole, ne mionshi yakadi ku maboko andi yakavingutuka bu nuosha mu kahia, ne nkanu yandi yakakohoka ku bianza biandi.

Yirmeya 7:15

Nennuihate ku mesu kuanyi bu munakihata bana benu bonso, bana bonso ba Efelayima mene.

Misambu 43:2

Bualu bua wewe udi Nzambi wa tshieyemenu tshianyi; wakungumushila tshinyi? Ndi ngenda ndila bua dinkengesha dia muena lukuna bua tshinyi?

Genese 4:14

Mona, wewe wakungihata lelu ha buloba, nengikale musokome ku mesu kuebe, nengikale munyemi ne muena tshiendenda ha buloba, ne hashishe yonso wansangana neanshihe.

Rome 1:4

wakamanyishibua Muana wa Nzambi ne bukole ku dibika diandi dia ku bafue, bu mudi nyuma wandi wa tshijila; Yesu Kilisto, Mukelenge wetu.

2 Bakalenga 23:27

Yehowa wakamba ne, Nengumushe Bena Yuda kabidi ku mesu kuanyi bu munakumusha Bena Isalele, nenyenge musoko eu wa Yelushalema mene unakusungula, ne nsubu unakuamba ne, Nenjadikemu dina dianyi.

Balombodi 13:25

Nyuma wa Nzambi wakabanga kumuenzesha mu Mahane-dana, hankatshi ha Solea ne Eshetaola.