Misambu 50:21 - Mukanda wa Nzambi Dihungila Dikulukulu ne Dihungila Dihia-dihia 2003

²¹ Wewe wakuenza malu â, ne meme nakuhuwa talalâ. Wakuela meji munda muebe ne, Nzambi udi bu meme mu malu onso. Kadi ndi ngamba kukubela mpindiu ne kukulondela malu â ku mesu kuebe.

MUKANDA WA MYIDI MUKULU

²¹ Wamonyi biudi muenze! Udi musue bua ngikale amu mupuwe anyi? Udi muele meji ne: ndi bu wewe anyi? Nansha kakese! Ndi ukutandisha, nkuleja mibi yebe yonsu patoke!

Misambu 50:21 交叉引用

Yeshaya 57:11

Wakutshina nganyi ne nganyi wakunkuatshisha buowa, bua wewe udi ushima, ne kuakunvuluka, kuakuteka bualu buanyi mu mutshima webe? Tshiena muhuwe talalâ, tô ne musangu mule mene, ne bua muanda eu kuena untshina, anyi?

Nsumuinu 29:1

Muntu udi mubedibue misangu ya bungi, kadi udi wela mpala mulu, neabutudibue mu katuha ka diba, kayi ne tshia kumusangasha nʼatshi.

Misambu 90:8

Wewe wakuteka malu mabi etu ku mpala kuebe, Wakuteka mihi ituakuenza mu busokoko mu munya wa ha mpala hebe.

1 Korente 4:5

Nunku nulekele kulumbulula malu ku mpala kua tshikondo atshi, tô ne halua Mukelenge, neasokolole biandi malu masokoka a midima hatoke, neamueneshe biandi meshi a mu mitshima; hashishe butumbi bua kudi Nzambi nebuikale kudi muntu ne muntu.

Yeshaya 42:14

Nakuhuwa bianyi tô musangu mule, nakushikama talalâ ne nakadikanda; katataka nengase muadi bu mukashi udi ne didinyenga dia ha kuleleye; nempatule muhuya wanyi lubilu ne nempuyakane diatshimue.

Muambi 12:14

Bualu bua Nzambi nealumbulule mudimu wonso ne bualu buonso busokoka, nansha buimpe nansha bubi.

Misambu 50:3

Nzambi wetu udi ulua, kena uhuwa talalâ, kahia kadi ku mpala kuandi kadi kosha bintu, tshihuhu tshitambe bukole tshidi tshimunyunguluka.

Amosa 8:7

Yehowa wakuditshiha ku bulengele bua Yakoba ne, Bulelela, tshiena mpua bienzedi biabo bionso muoyo tshiendelele.

Misambu 73:11

Badi bamba ne, Nzambi udi mumanye munyi? Mutambe Bunene wa mu diulu udi ne lungenyi, anyi?

Didimanyisha 3:19

Bungi bua bandi munange, ndi mbabela, ndi mbakengesha; nunku, wikale ne lukunukunu ne ukudimune mutshima webe.

Yeshaya 26:10

Bialeshabo muntu mubi diakalengele, kena uyila buakane; munkatshi mua buloba bua buakane mene yeye nênze malu mabi, ne kena umona butumbi bua Yehowa.

2 Petro 3:9

Mukelenge kena ushanguluka bua kushikisheye milayi yandi, bu mudi bakuabo babala dishanguluka; kadi udi nʼenu lutulu, kena musue umue wenu ajimine, kadi udi musue bonso balue kukudimuna mitshima yabo.

Dibadika 23:19

Nzambi kena bu muntu udi wamba mei a mashimi, kena bu muana wa muntu, bua kukudimuneye mutshima. Biambeye dî, kena udishikisha, anyi? Anyi biambeye bualu, kena ubuenza, anyi?

Ekesode 3:14

Nzambi wakambila Mose ne, MEME NDI MUNDI. Nzambi wakamba kabidi ne, Ambila Bena Isalele ne, NDI MUNDI wakuntuma.

Misambu 50:8

Tshiena nnubela bua milambu yenu; milambu yenu ya kuosha idi ku mpala kuanyi matuku onso.

Yobe 34:33

Yeye neakuenzele bu mûdi musue bualu bua wakabenga dikosa diandi dia nsambu, anyi? Bûdi nʼabu mbua kusungula, kembualu buanyi to. Nunku utuambile bualu bûdi mumanye.

Yirmeya 2:23

Udi mua kuamba ne, Tshiena munyanguke, tshiakulonda Babala munyi? Mona nshila uwakuendela wa mu tshibanda, umanye malu awakuenza; bu nsongakashi wa kamelo ka lubilu kadi kanyunguluka mu nshila,