Misambu 50:15 - Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Umbikile mu dituku dia makenga; nenkuhandishe, ne wewe neuntumbishe.

MUKANDA WA MYIDI MUKULU

¹⁵ Pakukuata dikenga, umbikile nenkusungidile. Nenku neuntumbishe!

Misambu 50:15 交叉引用

Misambu 107:28

Nunku bakadila kudi Yehowa mu ntatu yabo, ne yeye wakabahandisha mu makenga abo.

Misambu 91:15

Hambikileye, nengitabe kudiye; nengikale nʼandi habueleye mu dikenga, nemmuhandishe, nemmutumbishe.

Misambu 107:19

Nunku bakadila kudi Yehowa mu ntatu yabo, ne yeye wakabahandisha mu makenga abo.

Zekâya 13:9

Nengele tshituha etshi tshisatu mu kahia, nembafule bu mudibo bafula tshiamu tshia argent, nembatete bu mudibo bateta tshiamu tshia or. Nebambikile mu dina dianyi, nembunvuile. Nengambe bianyi ne, Bobo badi bantu banyi; bobo nebambe ne, Yehowa udi Nzambi wetu.

Misambu 81:7

Wakungela dî hawakadi mu dikenga, nakakuhidisha; nakitaba kûdi mu tshisokomenu tshianyi tshia mukungulu; nakakuteta ku mai a Meliba.

Yakobe 5:13

Muntu udi ne dikenga munkatshi muenu, anyi? Alombe biandi Nzambi. Muntu udi ne disanka, anyi? Imbe biandi misambu.

Luke 22:44

Wakatamba kukenga ne kanyinganyinga, wakatendelela Nzambi bikole; luanga luakahatuka mamata manene hamʼbidi handi bu mashi amata hanshi.

Yobe 22:27

Neumutendelele ne yeye neakunvuile, nushikishe mitshihu yebe.

Bienzedi 16:25

Kadi bakalua bu mundankulu, Paulo ne Sila bakadi batendelela, bakadi bambila Nzambi misambu, bena lukanu bakadi batelesha;

Matayi 5:16

Nunku munya wenu uteme ku mesu kua bantu, bamone midimu yenu mimpe, batumbishe kabidi Tatu wenu udi mu diulu.

Yowanane 15:8

Tatu wanyi udi utumbishibua mu bualu ebu ne, Nudi nukuama mamuma a bungi; nunku nenuikale bayidi banyi.

Misambu 77:2

Mu dituku dia makenga anyi nakakeba Mukelenge. Tshianza tshianyi tshiakadi tshiolola kudiye butuku katshiyi tshihange; muoyo wanyi wakabenga kusambibua.

Misambu 22:23

Nuenu badi batshina Yehowa, numutumbishe! Nuenu, bana bonso ba Yakoba, numutumbishe; nuenu, bana bonso ba Isalele, nukuatshike buowa ku mpala kuandi!

1 Petro 4:14

Bianuhendabo bua dina dia Kilisto, nudi ne disanka; bualu bua Nyuma wa butumbi ne Nyuma wa Nzambi udi unuikila hamʼbidi henu.

Misambu 50:23

Udi ufila disakidila bu mulambu wandi udi untumbisha; nendeshe luhandu lua Nzambi kudi muntu udi ulongolola nshila wandi bimpe.

1 Petro 4:11

Biakula muntu, akule mei bu mudiu mamba kudi Nzambi; biakuata muntu mudimu, enze bu mudi bukole buakamuha Nzambi; enze biandi bua Nzambi atumbishibue mu malu onso bua Yesu Kilisto; kudiye kuikale butumbi ne bukokeshi tô ne ku bikondo bia bikondo. Amen.

Balombodi 15:19

Kadi Nzambi wakahanda dina diakadi mu dibue dia Lehi ne mai akahatuka; hakanueye mai, muoyo wandi wakahingana ne yeye wakasangala; nunku wakidika muaba au ne, Enehakole, udi mu Lehi tô ne lelu.

2 Bakalenga 20:2

Hashishe yeye wakakudimuna mpala wandi ku tshimanu tshia nsubu, wakatendelela Yehowa, wakamba ne,

2 Kulondolola 20:9

Bialua malu makole kutudi, nansha muele wa nvita, nansha kulumbulula, nansha tshihuhu, nansha tshiole, tuetu netuimane ku mpala kua nsubu eu ne ku mpala kuebe, bualu bua dina diebe didi mu nsubu eu, netudile kudi mu makenga etu, ne wewe neutunvuile, neusungile.

Misambu 4:2

Nuenu bana balume ba bantu, nenuandamune butumbi buanyi bua kuluabu bundu musangu bule bishi? Nenusue malu a hatuhu, nenukebe mashimi musangu bule bishi?

Misambu 34:5

Bantu bakatangila kudiye bakadi ne mpala yabo mikenke ne disanka; mpala yabo kayena ikuatshika bundu tshiendelele.

Misambu 34:7

Muanjelo wa Yehowa udi wasa tshitudilu tshiandi tshinyunguluke badi bamutshina, udi ubasungila.

Misambu 77:3

Ndi nvuluka Nzambi, ndi ntua mikemu; ndi ngelangana meji munda muanyi, nyuma wanyi udi uhanga.

Misambu 86:5

Bualu bua wewe, Mukelenge, udi muimpe, ne mutshima webe udi musue kubuikidila bantu mihi yabo; udi mûle tente ne luse lujalame kudi bonso badi bakubikila,

Misambu 86:7

Mu dituku dia dikenga dianyi nenkubikile; bualu bua wewe newitabe kundi.

Misambu 120:1

Mu dikenga dianyi ndi ndila kudi Yehowa, ne yeye udi ungunvuila.

Yirmeya 39:17

Kadi Yehowa udi wamba ne Nenkuhandishe mu dituku adi, kuena ufidibua mu bianza bia bantu aha baudi utshina.