Misambu 40:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Tshiakusokoka buakane buebe munda muanyi hawakumbingisha, nakuambila bantu bua lulamatu luebe lua bushuwa ne bua luhandu luebe. Tshiakusokokela ba mu disangisha dinene dia bantu luse luebe lujalame ne lulamatu luebe lua bushuwa.

MUKANDA WA MYIDI MUKULU

¹⁰ Bantu bebe bamane kusangila, nembamanyishe ne: Maweja-Nangila ke udi upandishangana. Maweja-Nangila udi mumanye mundi tshiyi mua kupuwa.

Misambu 40:10 交叉引用

Misambu 34:6

Muena dikenga eu wakadila kudiye, ne Yehowa wakamunvuila, wakamusungila ku makenga andi onso.

Didimanyisha 22:17

Nyuma ne mukashi musela badi bamba ne, Lua. Udi unvua, ambe biandi ne, Lua. Ne udi ne nyota, alue biandi; udi musue, angate mai a muoyo tshianana.

1 Timote 1:15

Dî edi didi mua kueyemenyibua ndidi bonso bamanye mua kuitabusha ne, Kilisto Yesu wakaluila ha buloba bua kusungileye bantu babi, bandi ku mpala kuabo ku bubi.

1 Tesalonike 1:8

Bua dî dia Mukelenge diakambibua kunudi diakunvuibua, kenganu mu Makedonia ne mu Akaya, kadi mu miaba yonso ditabusha dinudi nʼadi kudi Nzambi diakamuangalaka; nunku tuetu katuena ne bualu bua kuamba d! kabidi.

Filipe 3:9

ne bua kunsanganabo munda muandi, tshi ne buakane buanyi budi bufume ku mikenshi, kadi ngikale ne buobu abu budi bua ditabusha dia mu Kilisto, buakane mene budi bufuma kudi Nzambi hangitabusha.

Rome 10:3

Bualu bua hakahangabo kumanya buakane bua Nzambi, ne hakadibo bakeba kujadika buakane buabo mene, kabakadikokesha ku buakane bua Nzambi.

Luke 3:6

Bantu bonso nebamone luhandu lua Nzambi.

Mika 7:20

Neuleshe Yakoba lulamatu luebe, ne luse luebe lujalame kudi Abalahama, bu muwakaditshiha kudi batatu betu, bibangile ku matuku a kale.

Yezekiyele 2:7

Wewe ubambile mei anyi, nansha biasuabo kûnvua, nansha biabengabo kûnvua; bualu bua badi diku dia bantombokedi.

Yeshaya 49:6

mpindiu Yeye udi wamba ne, Mbualu budi butamba bukese bua wewe kuikala muntu wanyi bua kubisha kabidi bisamba bia Yakoba, ne bua kuhingasha ba mu Isalele badi bashala ne muoyo; ka nenkuyishe bu munya kudi ba bisamba bia bende, bua luhandu luanyi lufike tô ne kunfudilu kua buloba.

Misambu 89:1

Nengimbe bua luse lujalame lua Yehowa kashidi; mukana muanyi nemumanyishe bantu tô ne ku bikondo bionso mudi lulamatu luebe lua bushuwa.

Misambu 25:10

Nshila yonso ya Yehowa idi ya luse lujalame ne lulamatu kudi badi batumikila tshihungidi tshiandi ne mikenji yandi.

Yowanane 1:17

Mose wakatuha mikenshi, kadi ngasa ne bulelela biakafuma kudi Yesu Kilisto.

Misambu 22:26

Badi ne mitshima mihuekele nebadie, nebûkute; badi bakeba Yehowa nebamutumbishe. Mitshima yenu ikale ne muoyo tshiendelele!

Misambu 75:9

Kadi meme hanyi nengambe butumbi buebe tshiendelele, nengimbile Nzambi wa Yakoba misambu ya kumutumbisha nʼai.