Misambu 37:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Muntu mubi udi welela muntu muakane tshifufu, udi umudiangena ku menu.

MUKANDA WA MYIDI MUKULU

¹² Muntu mubi udi ukina muntu muakane, usumakaja dinu bua kumuenzela bibi.

Misambu 37:12 交叉引用

Mika 2:1

Mulau wikale kudi badi belangana meji a kuenza bibi, ne badi bahangidisha malu mabi munda muabo ha malalu abo! Hatshiabu badi benza malu â, bualu bua bukole bua kuaenza budi mu bianza biabo.

Misambu 35:16

Bu mudi baseki badi ne dikamakama benza bua kuhetabo tshituha tshia mampa, bakandiangena ku menu abo.

Danyele 8:12

Bakafila musumba wa mu diulu ne mulambu wa kuosha wa buatshia-buatshia kudilu, bualu bua ditombokela Nzambi. Luakela malu a bushuwa hanshi, luakenza bu muakadilu lusue kuenza, luakatuta dikasa dimpe.

Misambu 31:13

Bualu bua ndi ngunvua dinunganyi dia mei a bunsonge a bantu ba bungi — buowa ku nseke yonso — hadibo badisangisha hohamue bua kungelela tshifufu, hadibo basangisha dî bua kunyengabo muoyo wanyi.

Matayi 26:16

Ku dituku adi yeye wakakebakeba mua kumufila mu bianza biabo.

Matayi 26:4

bakasangisha dî diabo bua kukuata Yesu mu busokoko, ne bua kumushiha.

Danyele 8:24

Yeye neikale ne bukokeshi bua bungi, kadi kena ubuheta ku bukole buandi nkayandi. Yeye neavuishe dibutuka didi ditamba bukole, neatute dikasa dimpe mu malu mabi adiye wenza neabutule bantu badi ne bukole ne bantu ba bansanto diatshimue.

Estere 3:6

Hakelanganeye meji, yeye wakabenga kukuata Môdekai nkayandi, bualu bua bakamumanyisha bua tshisamba tshia Môdekai; nunku Hamana wakakeba bua kushiheye Bena Yuda bonso bakadi mu bukelenge bua Ahashawelosha, ba mu tshisamba tshia Môdekai mene.

1 Samuele 18:21

Shaula wakamba ne, Nemmufile kudiye bua yeye ikale bu buteyi kudiye ne bianza bia Bena Peleshete nebikale hamʼbidi handi. Nunku Shaula wakambila Davidi ne, Wewe newikale muku wanyi lelu musangu muibidi.

Misambu 37:32

Muntu mubi udi utentekela muntu muakane, udi ukeba kumushiha.

Genese 39:16

Yeye wakateka tshivualu tshia Yosefe hanshi to ne hakahingana mukelenge wandi ku nsubu wandi.

Estere 3:5

Hakamanya Hamana ne, Môdekai kena utua binu hanshi, kena unkukuila, yeye wakûlangana ne tshiji tshikole.

Estere 5:13

Kadi malu a onso kaena asankisha handi ntangila Môdekai, Muena Yuda, mushikame ku tshibi tshia mukelenge.

Misambu 34:22

Yehowa udi uhikula mioyo ya badi bamukuatshila mudimu; kakuena umue wa badi banyemena kudiye wahishibua.