Misambu 35:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Ka muoyo wanyi newikale ne disanka mu Yehowa, neusanke mu luhandu luandi.

MUKANDA WA MYIDI MUKULU

⁹ Kadi meme nensanke, ntshionkomoke, bualu Maweja-Nangila neansungule.

Misambu 35:9 交叉引用

Yeshaya 61:10

Nentambe kusanka mu Yehowa, mutshima wanyi neutambe kusanka mu Nzambi wanyi; bualu bua yeye wakunduatshisha bivualu bia luhandu, wakumbuikila ne tshikowelu tshia buakane, bu mudi mubaki wa mukashi udilengesha ne nkata mulengele, ne bu mudi mukashi udi wamba kubuela mu dibaka udilengesha ne bilenga biandi.

Ngalate 5:22

Kadi mamuma a Nyuma adi dinanga, disanka, ditalala, lutulu, luse, buimpe, bunanukidi bua lulamatu,

Abakuke 3:18

kadi meme hanyi nensanke mu Yehowa, nentumbile mu Nzambi wa luhandu luanyi.

Misambu 48:11

Mukuna wa Siona wikale ne disanka; bana bakashi ba Bena Yuda basanke bualu bua mikenji yebe mijalame.

Misambu 33:21

Bua mitshima yetu idi isanka kudiye, bualu bua tudi tueyemena dina diandi dia tshijila.

Misambu 21:1

Yehowa, mukelenge neasanke mu bukole buebe, ke, mudiye usanka bikole bua luhandu luebe!

Misambu 13:5

Kadi nakueyemena luse luebe; mutshima wanyi neusanke bua luhandu luebe.

Misambu 9:14

bua meme kumanyisha bantu bua butumbi buebe buonso, bua meme kusanka bua luhandu luebe ku bibi bia muana wa bakashi wa Siona.

1 Samuele 2:1

Hana wakatendelela, wakamba ne, Mutshima wanyi udi utumbishibua mu Yehowa; lusengu luanyi ludi lubandishibua mu Yehowa. Mukana muanyi mudi mudiundishibua kudi bakadi nʼanyi lukuna: bualu bua meme ndi nsanka mu luhandu luebe.

Misambu 9:15

Ba mu bisamba bia bantu bakuhona mu dijimba diakumbulabo; dikasa diabo diakukuatshibua mu bukuondo buakusokokabo:

Misambu 104:34

Meji andi ngela bua bualu buandi amusankishe, bua meme ndi nsanka mu Yehowa.