Misambu 33:15 - Mukanda wa Nzambi Dihungila Dikulukulu ne Dihungila Dihia-dihia 2003

¹⁵ yeye udi ufuka mitshima ya buonso buabo, udi umona bienzedi biabo bionso.

MUKANDA WA MYIDI MUKULU

¹⁵ Yeye ke udi mufuke mioyi ya bantu, mumanye bionsu bidibu benza.

Misambu 33:15 交叉引用

Yirmeya 32:19

Wewe udi munene mu kulesha kuebe kua lungenyi kudi bantu, udi ne bukole bua bungi mu bienzedi biebe, udi ne mesu ebe mabulule bua kumona nshila yonso ya bana ba bantu, ne bua kufuta muntu yonso bu mudi bienzedi biandi ne bu mudi mamuma a ku bienzedi biandi.

Misambu 44:21

Nzambi kena ukeba bualu ebu bua kubusokolola, anyi? Bualu bua yeye udi mumanye meji adi masokoka mu mutshima.

Osheya 7:2

Kabena belangana meji mu mitshima yabo ne, Yehowa udi uvuluka bubi buetu buonso, bienzedi bietu bibi bidi bitunyunguluka, bidi ku mpala kuandi.

1 Korente 4:5

Nunku nulekele kulumbulula malu ku mpala kua tshikondo atshi, tô ne halua Mukelenge, neasokolole biandi malu masokoka a midima hatoke, neamueneshe biandi meshi a mu mitshima; hashishe butumbi bua kudi Nzambi nebuikale kudi muntu ne muntu.

Bienzedi 17:26

Yeye kabidi wakafuka bisamba bionso bia bantu, bafuma mu muntu umue, bua kuikalabo ha buloba buonso; wakatahulula bikondo biabo bidianjile kulongolola diambedi, ne mikalu ya miaba yabo yashikamabo.

Yeshaya 64:8

Kadi wewe Yehowa udi Tatu wetu; tuetu tudi dima ne wewe udi mufumbi; buonso buetu tudi bintu biwakuenza ku bianza biebe.

Muambi 7:29

Nakasangana anu bualu ebu bumue ne, Nzambi wakafuka bantu ne mitshima mijalame, kadi bobo bakadikebela malu a ngenyi yabo.

Nsumuinu 27:19

Bu mudi mpala umueneka mu mai, mbu mudi mutshima wa muntu umumuenesha kudi munga muntu.

Nsumuinu 24:12

Biwamba ne, Kabiakadi bamanye muanda eu, yeye udi uteta mitshima kena ûmona, anyi? Udi ulama muoyo webe kena mûmanye, anyi? Kena ufuta muntu bu mudi mudimu wandi, anyi?

Nsumuinu 22:2

Babanji ne bahele badi basangila hamue; Yehowa udi mufuki wa buonso buabo.

Yobe 11:11

Bualu bua yeye udi mumanye bantu badi ne mashimi; udi umona malu mabi nansha bikaleye kayi wela meji a malu â.

Yobe 10:8

Bianza biebe biakanfuka ne biakangenza mundi emu, ne wewe udi musue kunshiha.

Yirmeya 16:17

Bualu bua mesu anyi adi amona nshila yabo yonso, kayena misokoma kundi, ne mibi yabo kayena misokoma ku mesu kuanyi.