Misambu 31:22 - Mukanda wa Nzambi Dihungila Dikulukulu ne Dihungila Dihia-dihia 2003

²² Meme hanyi nakamba mu ditshina dianyi ne, Nakumushibua ku mesu kuebe, kadi wewe wakunvua di dia kutendekena kuanyi, hanakadila kûdi.

MUKANDA WA MYIDI MUKULU

²² Maweja-Nangila, tuasakidila, uvua mundeje muuvua munnange bikole. Meme mvua bu tshimenga tshidibu baluisha.

Misambu 31:22 交叉引用

Misambu 116:11

Nakamba mu ditenkakana dia mutshima wanyi ne. Bonso badi bandinga.

Yezekiyele 37:11

Yeye wakangambila ne, Muana wa muntu, mifuba ei idi bonso ba mu tshisamba tshia Bena Isalele. Tangila, badi bamba ne, Mifuba yetu yakûma, ditekemena dietu diakujimina, tuakufila bietu.

Misambu 88:16

Tshiji tshiebe tshikole tshiakuhita ha mutu hanyi; bienzedi biebe bidi bintshinyisha bikole biakumbutula.

Misambu 6:9

Yehowa wakunvua kusengelela kuanyi. Yehowa neitabushe kutendelela kuanyi.

Yobe 35:14

Nunku neatambe kuhidia kunyua hawamba ne, Tshiena mmumona; bualu buebe budi ku mpala kuandi, umuindile!

Ebrewu 5:7

Nyeye mu matuku a mubidi wandi wa ha buloba, hakatendeleleye ne mitendelelu ne misengelelu misangisha ne muadi mukole ne binsonshi kudi yeye wakadi ne bukole bua kumusungila ku lufu, ne hakamunvuilabo bua ditshina diandi dia Nzambi;

Yona 2:4

Nakuamba ne, Bakungihata ku mesu kuebe, kadi nentangishe mesu anyi kabidi ku ntempelo webe wa tshijila.

Yeshaya 49:14

Kadi Siona wakamba ne, Yehowa wakundekela, Mukelenge wakuntua muoyo.

Yeshaya 6:5

Ka meme nakamba ne, Mulau wakunkuata! Bualu bua ndi mujimine; bualu bua ndi muntu udi ne mishiku idi kayiyi miakane, ne ndi mushikame munkatshi mua bantu badi ne mishiku idi kayiyi miakane; bualu bua mesu anyi akumona Mukelenge, Yehowa wa misumba mene!

1 Samuele 27:1

Davidi wakamba mu mutshima wandi ne, Meme nenfue dituku dikuabo ku tshianza tshia Shaula; kakuena bualu budi butamba buimpe kundi bu mudi kunyemena mu buloba bua Bena Peleshete; Shaula neahange kunkeba mu matshika a buloba bua Isalele, nunku nempanduke mu tshianza tshiandi.

1 Samuele 23:26

Shaula ne bantu bandi bakayila ku luseke elu lua mukuna, ne Davidi ne bantu bandi bakayila ku luseke lualua; Davidi wakaya lubilu bua kuhanduka, bualu bua yeye wakatshina Shaula; bualu bua Shaula ne bantu bandi bakadi bela Davidi ne bantu bandi munkatshi bua kubakuata.

Misambu 31:17

Yehowa, kuitabushi bua meme kufuishibua bundu, bualu bua ndi nkubikila. Bantu babi bafuishibue bundu, bahueke, babuwe talalâ, mu Muaba wa Bafue.

1 Samuele 25:32

Davidi wakambila Abigayila ne, Yehowa, Nzambi wa Isalele, wakukutuma kundi lelu, asankishibue.

Misambu 17:7

Lesha luse luebe ludi lutukemesha, wewe udi Usungila badi bakeba tshinyemenu ku tshianza tshiebe tshia bukole bua kuhanduka kudi badi bajuka bua kubaluisha.

Misambu 66:20

Nzambi avudishibue disanka, udi kayi musesuishe mei a kulomba kuanyi, udi kayi mungumushile luse luandi lujalame!

Luke 11:10

Bualu bua muntu yonso udi ulomba, neahete; udi ukeba, neamone; udi ukokola, nebamunzuluile.