Misambu 25:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Muntu kai udi utshina Yehowa? Yehowa neamumanyishe nshila udiye ne bua kusungula.

MUKANDA WA MYIDI MUKULU

¹² Maweja-Nangila nealeje muntu udi umunemeka, njila udiye ne bua kusungula.

Misambu 25:12 交叉引用

Misambu 37:23

Biendedi bia muntu bidi bijadikibua kudi Yehowa, ne yeye udi usanka bua nshila wandi.

Misambu 32:8

Nenkuyishe lungenyi, nenkuleshe nshila udi ne bua kuendela, nenkuhe meji hatshidi disu dianyi kudi.

Yowanane 7:17

Bitabusha muntu kuenza bu mudi Nzambi musue, yeye neamanye diyisha edi, ne ndia Nzambi, anyi ndi ndiambila nkayanyi.

Misambu 111:10

Ditshina dia Yehowa didi tshibangidilu tshia meji; badi batumikila mikenji yandi badi ne dijingulula dia malu. Butumbi buandi budiku tshiendelele.

Muambi 12:13

Eu nshikidilu wa malu onso; malu onso adi munvuike. Utshine Nzambi, utumikile mikenji yandi; ebu mbualu buonso budi muntu ne bua kuenza.

Yeshaya 50:10

Muntu kai wa munkatshi muenu udi utshina Yehowa, udi utumikila dî dia muntu wandi? Biendeye mu mîdima kayi ne muinda, eyemene biandi dina dia Yehowa, atekemene biandi Nzambi wandi!

Nsumuinu 1:7

Ditshina dia Yehowa ntshibangidilu tshia lungenyi; bahote badi bahetula meji ne diyisha.

Nsumuinu 16:6

Luse lujalame ne lulamatu lua ku bushuwa bidi bibuikila malu mabi, ne bua ditshina diabo dia Yehowa bantu badi bahanduka mu dikenga.

Nsumuinu 15:33

Ditshina dia Yehowa didi diyisha dia meji, ne kudihuekesha kudi kuya ku mpala kua butumbi.

Bienzedi 10:22

Bakamba ne, Kônelio, kapitene ka masalayi lukama, udi muntu muakane udi utshina Nzambi, lumu luandi ludi luimpe ku tshisamba tshionso tshia Bena Yuda; Nzambi wakamudimusha kudi muanjelo wa tshijila bua kukubikileye ulue mu nsubu muandi ne bua kunvueye mei ebe.

Yeshaya 35:8

Tshibebe tshikaleku, ne nshila, nebamubikile ne, Nshila wa Tshijila; badi kabayi balengeshibue ku bubi buabo kabena bamanye mua kuhitshilaku, kadi neikaleku bua bantu bandi; bena luendu, nansha bahote mene, kabena bendelamu.

Nsumuinu 2:5

nunku neujingulule ditshina dia Yehowa, neusangane dimanya dia malu a Nzambi.

Bienzedi 13:26

Bana betu, tunkanunuina tua Abalahama, ne ba munkatshi muenu badi batshina Nzambi, bakatutumina tuetu dî dia luhandu elu.

Bienzedi 11:14

yeye neakuambile mei a kukusungila nʼau ne ba mu nsubu webe bonso.

Bienzedi 10:2

Yeye wakadi mutendeledi muakane, wakadi utshina Nzambi ne ba mu nsubu wandi bonso, wakadi uha bantu bintu bia luse bia bungi, wakadi utendelela Nzambi matuku onso.

1 Yone 2:27

Ne nuenu bienu, diedibua dia manyi dinuakuangata kudiye didi dikale munda muenu, nunku kanuena ne bualu bua muntu anuyishe; kadi bu mudi diela diandi dia manyi dinuyisha bua malu onso, didi dilelela kabidi ne kadiena mashimi, bu muakanuyishadi, nushale munda muandi.

Genese 26:2

Yehowa wakamueneka kudiye, wakamba ne, Kuyi mu Ejipitu, ushikame mu buloba bundi nkuambila.

Ekesode 4:15

Wewe neuyikile handi, neuteke mei mukana muandi, meme nengikale ne mukana muebe ne mukana muandi, nenkuyishe malu anudi mua kuenza.

Yoshua 3:4

Kadi nushiye muaba hankatshi henu ne mushete bule bua coudées binunu bibidi; kanusemenyi ha buihi nʼau, nunku nenumanye nshila unudi mua kuya; bualu bua kanuakaya mu nshila eu diambedi.

1 Samuele 9:6

Yeye wakamuambila ne, Mona, mu musoko eu mudi muntu wa Nzambi, bantu bonso badi bamutumbisha; malu onso adiye wamba adi alua malelela; tuye bietu kudiye, yeye atujinguluile ku luendu kutuyaya.

Nsumuinu 2:9

Hashishe neujingulule buakane ne dikosa diakane dia nsambu, neujingulule kulumbulula kuakane, nshila yonso mene udi uya ku buimpe.