Misambu 25:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Bualu bua dina diebe, Yehowa, umbuikidile bubi buanyi, bualu bua budi bunene.

MUKANDA WA MYIDI MUKULU

¹¹ Maweja-Nangila, wewe udi Mvidi Mukulu. Mibi yanyi mmipite bungi! Umfuile luse!

Misambu 25:11 交叉引用

Misambu 79:9

Wewe Nzambi wa luhandu luetu, utukuatshishe bua butumbi bua dina diebe! Utuhandishe, Utubuikidile malu mabi etu, bua bualu bua dina diebe!

1 Yone 2:12

Bana banyi bakese, ndi nufundila mukunda, bualu bua mibi yenu yakabuikidibua bua dina diandi.

Misambu 31:3

Bualu bua wewe udi dibue dianyi ne ngumbu yanyi ya nvita; nunku, bualu bua dina diebe wikale mulombodi wanyi, undombele mu nshila.

Yeshaya 43:25

Meme, meme mene, ndi yeye udi ukubuikidila mihi yebe bua bualu buanyi bume, tshiena nvuluka malu mabi ebe kabidi.

Rome 5:15

Kadi bushihi bua mikenshi kabuena bu diha dia luse dia Nzambi. Bua bikala bantu bangi bakafua bua bushihi bua mikenshi bua muntu umue, ngasa wa Nzambi ne diha dia ku ngasa wa kudi muntu umue, Yesu Kilisto mene, biakatamba kukumbanyina bantu bangi.

Yezekiyele 36:22

Nunku ambila Bena Isalele ne, Yehowa udi wamba ne, Tshiena ngenza malu â bua bualu buenu, nuenu Bena Isalele, kadi ndi ngenza bualu bua dina dianyi dia tshijila dinuakanyanga munkatshi mua bisamba abi munuakaya.

Yezekiyele 20:9

Kadi nakabenzela malu â bualu bua dina dianyi, bua kadihendibu ku mesu kua ba mu bisamba bia bantu, kuakadibo bashikama, bantu mene bakadi bantangila hanakadimuenesha kudi Bena Isalele mu dituku dinakabahatula mu Ejipitu.

Yeshaya 48:9

Bua dina dianyi ndi mpumbisha tshiji tshianyi, bua butumbi buanyi ndi nkukandilatshi, bua meme tshikûmushi ha buloba.

Misambu 109:21

Kadi wewe hebe, Yehowa Mukelenge wanyi, ungenzele meme hanyi bimpe bua dina diebe; bua luse luebe lujalame ludi luimpe, umpandishe bianyi.

Misambu 143:11

Yehowa, usangashe muoyo wanyi bua dina diebe. Mu buakane buebe uhatule muoyo wanyi mu dikenga.

Ekesode 34:7

udi ulesha binunu bia bantu luse lujalame, udi ubuikidila bantu malonga abo ne kusambuka kuabo kua mikenji ne malu mabi abo; kadi kena ubingisha muntu udi uhila; udi utumina bana ba tshikondo tshisatu anyi tshinai mibi ya batatuʼabo.

Yirmeya 14:7

Bulelela, mihi yetu idi ituhisha, kadi wewe Yehowa, utukuatshishe bualu bua dina diebe; tuakualukila ku mibi misangu ya bungi, tuakukuenzela bibi.