Misambu 18:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Makuondo a lufu akanyunguluka, kubutuka kuakadi bu mai mahasalala kuakantshinyisha.

MUKANDA WA MYIDI MUKULU

⁴ Maweja-Nangila atumbe! Pandi mmubikila, diakamue udi unsungidila kudi baluishi banyi.

Misambu 18:4 交叉引用

Misambu 116:3

Mionshi ya lufu yakunyunguluka; makenga a mu Muaba wa Bafue akankuata; nakasangana ntatu ne kanyinganyinga.

2 Korente 1:9

kadi tuetu tuakadi ne dihila dia lufu hamʼbidi hetu bua tuetu katuditekemenyi, kadi bua tuetu tutekemene Nzambi udi ubisha bafue;

Matayi 26:47

Hakatshidiye wamba nunku, Yudasa, mukuabo wa mu ba dikumi ne babidi, wakalua ne tshisumbu tshinene tshia bantu, bakadi ne miele ne bibonge, bafume kudi bakuidi banene ne bakulu ba bantu.

Misambu 124:4

ha diba adi mai akadi kuhita ha mitu hetu, musulu mûla wakadi kuhita ha mutu ha mioyo yetu;

Misambu 22:16

Bualu bua mbua yakunnyunguluka, tshisumbu tshia benji ba malu mabi tshidi tshingela munkatshi; bakuntaha mputa misompoke mu bianza ne mu makasa.

Bienzedi 21:30

Diyoyo diakadi mu musoko mujima, bantu bakunguila, bakakuata Paulo, bakabanga kumumusha ku bukole mu ntempelo, bibi biakinshidibua lukasa.

Matayi 26:55

Hashishe, Yesu wakakonka tshisumbu tshia bantu ne, Nuakulua ne miele ne bibonge bua kunkuata bu mudibo bakuata munyengi munyi? Nakadi nshikama ku dituku ne ku dituku mu ntempelo, nyisha bantu, kanuakantuala.

Yeshaya 13:8

ne bobo nebakuatshike buowa. Makenga ne tunyinganyinga nebibakuate; nebikale ne dikenga bu mukashi udi ne didinyenga dia ha kuleleye, Nebatangilangane muntu ne muntu ne ditshina, mpala yabo mikale bu mpala miteme ne kahia.

2 Kulondolola 20:21

Hakahungeye dî ne bantu, yeye wakasungula bantu bua kuimbilabo Yehowa misambu ne bua kumutumbishabo mu buakane buandi hakadibo baye ku mpala kua bena nvita, bamba ne, Tumbishai Yehowa, bualu bua luse luandi ludi lujalame tshiendelele.

2 Kulondolola 20:22

Hakabangabo kuimba misambu ne kutumbisha Nzambi, Yehowa wakateka balaminyi kudi Bena Amona ne kudi Bena Moaba ne ba ku mikuna ya Seî, bakaluila kuluisha Bena Yuda; bakadi bashihibue.