Misambu 18:29 - Mukanda wa Nzambi Dihungila Dikulukulu ne Dihungila Dihia-dihia 2003

²⁹ E binuikala nʼebe, ndi mua kutshimuna mualu wa bena nvita, ne ku dikuatshisha dia Nzambi wanyi ndi mua kutuhika lumbu.

MUKANDA WA MYIDI MUKULU

²⁹ Maweja-Nangila udi untokeshila njila, umusha miidima muaba undi ngenda.

Misambu 18:29 交叉引用

2 Samuele 22:30

Bua bualu buebe ndi mumanye mua kuihata tshisumbu tshia bantu; bua Nzambi wanyi ndi mua kutuhika lumbu.

Didimanyisha 3:21

Udi uhita bukole nemuhe bua kushikameye nʼanyi mu nkuasa wa butumbi, bu munakatamba bukole ne munakashikama ne Tatu wanyi mu nkuasa wandi wa butumbi.

Kolose 2:15

Hakadiumushileye makelenge ne makokeshi, wakamuenesha hatoke to, wakâkoka bu muatambi ku mutshi wandi mutshiamakane.

1 Korente 15:10

Kadi bualu bua ngasa wa Nzambi ndi bu mundi emu; ne ngasa wandi kundi kakalua hatuhu, bualu bua meme nakatamba buonso buabo kuenza mudimu; kadi kememe nkayanyi, kadi ngasa wa Nzambi wakadi nʼanyi.

Misambu 144:10

Wewe udi uha bakelenge luhandu mu nvita, udi ubandisha Davidi, muntu webe, ku muele udi ushihangana.

Misambu 144:1

Yehowa, dibue dianyi, avudishibue disanka; udi uyisha bianza bianyi mua kuluanganabi nvita, ne minu yanyi mua kuelayi bielelu bia nvita.

2 Samuele 5:25

Davidi wakenza hu muakamuambila Yehowa, wakashiha Bena Peleshete ku Geba tô ne ku Gesê.

1 Samuele 23:2

Davidi wakakonka Yehowa ne, Nenye bua kushiha Bena Peleshete aba, anyi? Yehowa wakambila Davidi ne, Ya, ushihe Bena Peleshete, usungile Kila.

1 Samuele 30:8

Davidi wakebesha Yehowa ne, Binalonda tshisumbu etshi mu nshila, nembahete, anyi? Yeye wakamukudimuna ne, Ubalonde, wewe neubahete, kuena uhanga kuhingisha bintu bionso.

1 Samuele 17:49

Davidi wakabuesha tshianza tshiandi mu mpaya wandi, wakambula dibue, wakadiela, wakataha Muena Peleshete mu mpala wandi; dibue diakajika mu mpala wandi, yeye wakadishinda mutue mpala hanshi.

Yobe 29:3

hakadi muinda wandi utemena ha mutu hanyi, ne hanakahita mu mîdima bualu bua munya wandi.

Misambu 27:1

Yehowa udi munya wanyi ne luhandu luanyi; nentshine nganyi? Yehowa udi ngumbu ya nvita mu muoyo wanyi; udi mua kunkuatshisha buowa nganyi?