Misambu 16:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Mionshi ya luidi yakubona mu miaba mimpe bua bualu buanyi; bulelela, ndi ne buhianyi bulengele.

MUKANDA WA MYIDI MUKULU

⁶ Ke bidi binsankisha, ke diakalenga dindi nadi.

Misambu 16:6 交叉引用

Yirmeya 3:19

Nakamba ne, Ahu nenkuteke munkatshi mua bana banyi, nenkuhe buloba buimpe ne buhianyi buimpe munkatshi mua bisamba bionso bia bantu! Nakamba kabidi ne, Neumbikile ne Tatu wanyi ne kuena uhingana ku nyima kuyi undonda.

Efeze 1:18

ne bua yeye anumunyikile mesu a mu mitshima yenu, bua nuenu kumanya didi ditekemena dia kunubikila kuandi, ne budi bubanshi bua butumbi bua buhianyi buandi mu basanto,

Ebrewu 12:2

batangila kudi Yesu, mubandi ne mushikishi wa ditabusha dietu, yeye, bua disanka diakatekibua ku mpala kuandi, wakakankamana hakakengeye ka mutshi mutshiamakane, wakalengulula bundu, ne wakushikama ku tshianza tshikole tshia nkuasa wa butumbi wa Nzambi.

Misambu 78:55

Wakihata bisamba bia bantu ku mpala kuabo; wakababanyina buloba bu buhianyi buabo ku muonshi wa luidi, wakashikamisha bisamba bia Bena Isalele mu nsubu yabo ya ntenta.

Rome 8:17

Ne bituikala bana, tudi bahianyi kabidi; bahianyi ba Nzambi, ne bahianyi tshiahamue ne Kilisto: bituakenga nʼandi, mbua tuetu tutumbishibue nʼandi.

Didimanyisha 3:21

Udi uhita bukole nemuhe bua kushikameye nʼanyi mu nkuasa wa butumbi, bu munakatamba bukole ne munakashikama ne Tatu wanyi mu nkuasa wandi wa butumbi.

2 Timote 2:12

Bituikala tuditantamika, netukokeshe nʼandi kabidi; bituamuvila, yeye neatuvile kabidi;

Yowanane 20:17

Yesu wakamuambila ne, Kundengi tshianza, bualu bua tshiena muanze kuya kulu kudi Tatu; ya kudi bana betu, ubambile ne, Ndi nya kulu kudi Tatu wanyi ne Tatu wenu, kudi Nzambi wanyi ne Nzambi wenu.

Amosa 7:17

Nunku Yehowa udi wamba ne, Mukashi webe neikale mukashi wa masandi mu musoko eu, ne bana bebe ba balume ne ba bakashi nebashihibue ku muele wa nvita; nebabanyangane buloba buebe ku luidi. Wewe muine neufue mu buloba bubiha, nebaye ne Bena Isalele mu buhika, babumushe mu buloba buabo.

Misambu 61:6

Nealeheshele mukelenge matuku a muoyo wandi; bidimu biandi nebivulangane bikondo bia bungi.