Misambu 143:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Unyishe mua kuenza bu mudi disua diebe, bualu bua wewe udi Nzambi wanyi. Nyuma webe muimpe andombole mu buloba bulandakane.

MUKANDA WA MYIDI MUKULU

¹⁰ Undongeshe mua kuenza tshiudi musue, bualu wewe ke Mvidi Mukulu wanyi. Mueyelu webe mulenga undudike mu njila udi kayi ne njiwu.

Misambu 143:10 交叉引用

Yowanane 14:26

Kadi Musambi, Nyuma Muimpe mene, watumabo kudi Tatu mu dina dianyi, yeye neanuyishe malu onso, neanuvuluishe mei onso anakunuambila.

Ebrewu 13:21

anuvuishe bakane tshishiki mu bualu buimpe buonso bua kuenza bu mu disua diandi, wenza munda muetu bualu budi buimpe ku mesu kuandi bita Yesu Kilisto; butumbi buikale kudiye ku bikondo ne ku bikondo. Amen.

Misambu 23:3

udi ukankamasha mutshima wanyi. Udi undombola mu nshila ya buakane bualu bua dina diandi.

Misambu 119:12

Wewe Yehowa, usankishibue, unyishe mikenji yebe mifunda.

Nehemya 9:20

Wewe kabidi wakabaha Nyuma webe muimpe bua kubayisha, wewe kuakakandisha mana ebe mukana muabo, wewe wakabaha mai a kumana nʼau nyota yabo.

1 Yone 2:27

Ne nuenu bienu, diedibua dia manyi dinuakuangata kudiye didi dikale munda muenu, nunku kanuena ne bualu bua muntu anuyishe; kadi bu mudi diela diandi dia manyi dinuyisha bua malu onso, didi dilelela kabidi ne kadiena mashimi, bu muakanuyishadi, nushale munda muandi.

2 Timote 1:7

Bua Nzambi kakatuha nyuma wa buowa; kadi wakatuha nyuma wa bukole ne wa dinanga ne wa kudikanda.

Rome 15:13

Nzambi wa ditekemena anûshe tente ne disanka ne ditalala dia mu ditabusha dienu, bua nuenu nukumbane mu ditekemena mu bukole bua Nyuma Muimpe.

Misambu 140:6

Ndi ngambila Yehowa ne, Wewe udi Nzambi wanyi; Yehowa, teleja matshu ebe ku kutendekena kuanyi.

Misambu 31:14

Kadi ndi ngeyemena kudi, Yehowa, ndi ngamba ne, Wewe udi Nzambi wanyi.

Rome 8:26

Muomumue kabidi, Nyuma Muimpe kabidi udi ukuatshishangana nʼetu mu butekete buetu; bua katuena bamanye mua kulomba Nzambi bu mutudi nʼabu mbua kumulomba, kadi Nyuma muine udi utuakuila ne mikemu idi kayi mua kuambibua.

Rome 8:2

Bualu bua mukenshi wa Nyuma wa muoyo wa mu Kilisto Yesu wakampikula ku mukenshi wa bubi ne wa lufu.

Rome 5:5

Ne ditekemena kadiena difuisha bundu, bualu bua luse lua Nzambi luakitshikila mu mitshima yetu kudi Nyuma Muimpe wakafukeye.

Misambu 119:35

Ungendeshe mu nshila wa mikenji yebe, bualu bua ndi ne disanka bualu buai.

Efeze 4:30

Kanunyingalashi Nyuma Muimpe wa Nzambi, nuakahebua tshimanyishilu kudiye munda muenu tshidiku tô ne halua dituku dia buhikudi.

Yeshaya 63:14

Bu mudi ngombe idi ihueka mu tshibanda, Nyuma wa Yehowa wakabaha dikisha. Wewe wakalombela bantu bebe nunku bua kudivuishila dina dia butumbi.

Misambu 25:12

Muntu kai udi utshina Yehowa? Yehowa neamumanyishe nshila udiye ne bua kusungula.

Efeze 5:9

(mamuma a munya adi malu mimpe onso ne malu makane ne malu malelela),

Mika 4:2

Ba mu bisamba bia bungi bia bantu nebalue, nebambe ne, Luai bienu, tubande ku mukuna wa Yehowa, tubuele mu nsubu wa Nzambi wa Yakoba; yeye neatuyishe bienzedi biandi, tuetu netuende mu nshila yandi; bualu bua diyisha nediluhuke mu Siona, ne dî dia Yehowa nedihatuke mu Yelushalema.

Misambu 139:24

Umone ne malu mabi adi munda muanyi, undombole mu nshila wa tshiendelele.

Misambu 63:1

Nzambi, wewe udi Nzambi wanyi; ndi nkukeba bikole; muoyo wanyi udi ne nyota bualu buebe; mubidi wanyi udi uhanga mu dikujinga diau, mu buloba bume ne budi bukama, budi kabuyi mai.

Rome 15:30

Bana betu, ndi nusengelela bua Mukelenge Yesu Kilisto ne bua dinanga dia Nyuma Muimpe, ne, Nudienzeshe nʼanyi bikole mu dilomba dienu dia bualu buanyi kudi Nzambi,

Misambu 118:28

Wewe udi Nzambi wanyi, nenkuele tuasakidila; wewe udi Nzambi wanyi, nenkutumbishe.

Misambu 22:1

Nzambi wanyi, Nzambi wanyi, wakundekela tshinyi? Bualu kai wewe udi aku kule kuyi unkuatshisha, kuyi unvua mei a kutua kuanyi kua mikemu?

Matayi 28:20

nubayishe mua kuenza malu onso anakanuambila; ne monai, ndi nʼenu matuku onso tô ne kunshikidilu kua tshikondo etshi.

Yeshaya 29:10

Bualu bua Yehowa wakatshihisha nyuma udi ne tulu tukole hamʼbidi henu; wakubuikila mesu enu, mbaprofete mene, wakubuikila mitu yenu, mbamonyi ba bikena kumona mene.

Dibadika 9:22

Bakimana ditutu nansha matuku abidi nansha ngondo nansha tshidimu, Bena Isalele bakashala mu tshitudilu, kabakaya ku luendu, hakumukadi, bakaya ku luendu.

Misambu 27:11

Yehowa, unyishe nshila webe, undombele mu nshila mulandakane, bualu bua bena lukuna banyi.