Misambu 138:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Mu dituku dinakukubikila, wewe wakitaba kundi, wakankolesha bikole mu muoyo wanyi.

MUKANDA WA MYIDI MUKULU

³ Pamvua mukubikile, uvua munteleje; wewe kumpetesha muoyi mukole ne dikanda.

Misambu 138:3 交叉引用

1 Petro 5:10

Ne Nzambi wa ngasa yonso, wakanubikila mu butumbi buandi bua tshiendelele bua mu Kilisto, hanuamana kukenga musangu muihi, yeye muine neanuakashe tshishiki, neanujadike, neanukoleshe.

Misambu 18:6

Mu kanyinganyinga kanyi nakadibikila Yehowa, nakadila kudi Nzambi wanyi. Yeye wakunua dî dianyi hakadiye mu ntempelo wandi, muadi wanyi kudiye wakafika ku matshu andi.

Zekâya 10:12

Yehowa udi wamba ne, Nembakoleshe mu Yehowa, nebatumbile mu dina dianyi.

Yeshaya 12:2

Mona, Nzambi udi luhandu luanyi; nemmueyemene, ne tshiena ntshina nansha; bualu bua Yehowa, Yehowa mene, udi bukole buanyi ne musambu wanyi, ne yeye wakulua luhandu luanyi.

Filipe 4:13

Ndi mumanye mua kuenza malu onso mu Mukelenge udi unkolesha.

Misambu 27:14

Windile Yehowa; wikale ne bukole, ne mutshima webe wikale ne dikima; e, windile biebe Yehowa!

Kolose 1:11

ne bua nuenu mikoleshibue ne bukole buonso, bu mudi bukole bua butumbi buandi, tô ne ku dinanukila dionso ne ku lutulu lusangisha ne disanka.

Efeze 6:10

Ku ndekelu, nudikoleshe mu Mukelenge ne mu bukole buandi bunene.

Yeshaya 41:10

Kutshinyi, bualu bua ndi nʼebe; kukenzakanyi bua buowa nansha, bualu bua ndi Nzambi webe; nenkukoleshe, bulelela, nenkukuatshishe; bulelela, netujadike ne tshianza tshianyi tshia balume tshia buakane buanyi.

Misambu 29:11

Yehowa neaheshe bantu bandi bukole, Yehowa neasankishe bantu bandi ne ditalala.

Efeze 3:16

bua yeye anuhe bu mudi bubanshi bua butumbi buandi mua kukoleshibua munda muenu ne bukole kudi Nyuma wandi;

Misambu 63:8

Muoyo wanyi udi ulamata kûdi; tshianza tshiebe tshia balume tshidi tshingimanyika biakane.

Misambu 28:7

Yehowa udi bukole buanyi ne ngabu wanyi; mutshima wanyi wakumueyemena, ndi mukuatshishibue. Nunku mutshima wanyi udi utamba kusanka, nemmutumbishe ne musambu wanyi.

Yeshaya 65:24

Diambedi kabayi banze kumbikila, nengitabe kudibo; hatshidibo bakula, nembunvuile.

1 Samuele 30:6

Davidi wakanyingalala bikole; bualu bua bantu bakadi bahunga dî bua kumukuma mabue; mitshima ya buonso buabo yakanyingalala bua bana babo balume ne bana babo bakashi; kadi Davidi wakadikolesha mu Yehowa, Nzambi wandi.

Misambu 34:7

Muanjelo wa Yehowa udi wasa tshitudilu tshiandi tshinyunguluke badi bamutshina, udi ubasungila.

Muadi 3:57

Wewe wakasemena ha buihi nʼanyi mu dituku dinakukubikila; wakamba ne, Kutshinyi nansha.

Danyele 10:18

Hashishe mukuabo wakadi ne tshinfuanyi tshia muntu, wakandenga tshianza ne wakankolesha.

Danyele 10:19

Yeye wakamba ne, Wewe muntu munangibue bikole, kutshinyi nansha! Ditalala dikale kûdi! Ikala ne bukole, tantamana biebe! Hakangambileye dî edi nakakoleshibua, nakamba ne Mukelenge wanyi akule biandi, bualu bua wakunkolesha.