Misambu 138:2 - Mukanda wa Nzambi Dihungila Dikulukulu ne Dihungila Dihia-dihia 2003

² Nenkutendelele ne mutu wanyi muinyika mutume ku ntempelo webe wa tshijila, neasakidile dina diebe bua luse luebe lujalame ne bua lulamatu luebe lua bushuwa. Bualu bua wakutumbisha dina diebe ne dî diebe ha mutu ha malu onso.

MUKANDA WA MYIDI MUKULU

² ndi ela panshi mu nzubu webe wa tshijila. Mvidi Mukulu wa kashidi, ndi nkutumbisha bua bulenga buebe ne bulelela buebe, bualu uvua muvuluke dilaya diebe, mutuvua katuyi batekemene.

Misambu 138:2 交叉引用

Matayi 5:18

Bulelela, ndi nuambila ne, Tô ne hajimina diulu ne buloba, kaleta kamue kakese ka mikenshi ya Mose kakena kajimina ne katoba kamue kakese tô ne hashika malu onso akafundabo.

Yeshaya 42:21

Yehowa wakadi ne disanka bua buakane buandi bua kuvuisha diyisha diandi dinene ne ditumbishibue.

Misambu 56:10

Mu Nzambi, undi ntumbisha dî diandi, mu Yehowa, undi ntumbisha di diandi,

Matayi 24:35

Diulu ne buloba nebijimine, kadi mei anyi kêna ajimina.

Misambu 5:7

Kadi meme hanyi nembuele mu nsubu muebe bua kukumbana kua luse luebe; nenkuinamine mu ntempelo webe ne dikutshina dianyi.

Misambu 28:2

Unvua dî dia kutendekena kuanyi, hanadila kûdi, longolola bianza bianyi ku muaba webe mutambe wa tshijila.

Yowanane 1:17

Mose wakatuha mikenshi, kadi ngasa ne bulelela biakafuma kudi Yesu Kilisto.

Misambu 56:4

Mu Nzambi, ndi ntumbisha dî diandi, mu Nzambi mundi ngeyemena, tshiyi ne buowa. Bantu badi mua kungenzela tshinyi?

Misambu 115:1

Kututumbishi tuetu, Yehowa, kututumbishi tuetu, kadi utumbishe dina diebe, bualu bua luse luebe lujalame ne bua udi mua kueyemenyibua.

Danyele 6:10

Hakamanya Danyele ne mukelenge wakamana kufunda dina diandi ha mukanda udi ne mukenji, wakabuela mu nsubu wandi wa mulu wakadi ne madidishi matangile ku luseke lua Yelushalema. Wakadi utua binu biandi hanshi misangu isatu ku dituku ku dituku, ulomba Nzambi wandi, umusakidila bu muakadiye wenza diambedi.

Yeshaya 63:7

Nenvuluishe bantu bua bienzedi bia luse lujalame lua Yehowa, bua bienzedi bia Yehowa bidi bimutumbisha, bu mudibi bimpe bua malu onso adi Yehowa mutuenzele, ne bua malu andi manene akuenzeleye Bena Isalele, akubahesheye bu mudi luse luandi, ne bu mudi dikumbana dia dinanga diandi dijalame.

Misambu 99:9

Tumbishai bienu Yehowa Nzambi wetu, numutendelele ku mpala kua mukuna wandi wa tshijila; bualu bua Yehowa Nzambi wetu udi wa tshijila.

Misambu 99:5

Tumbishai bienu Yehowa Nzambi wetu; numukukuile ku ditanda diandi dia muinshi mua makasa. Yeye udi wa tshijila!

Misambu 86:15

Kadi wewe, Mukelenge, udi Nzambi udi ufuila bantu luse ne diakalengele; udi ne lutulu ludi lukanda tshiji tshiebe, udi mûle tente ne luse lujalame ne lulamatu lua bushuwa.

Misambu 85:10

Luse lujalame ne lulamatu lua bushuwa biakusangakanangana; buakane ne ditalala biakutuangana mishiku.

Yowanane 10:35

Bikaleye mubabikile ne banzambi, aba bakatuminabo dî dia Nzambi (ne dî dia mu Mukanda wa Nzambi kadiena mua kumushibua),

1 Bakalenga 8:15

Yeye wakamba ne, Yehowa, Nzambi wa Isalele, atumbishibue, wakambila tatu wanyi Davidi mukana muandi, bualu buakamana tshianza tshiandi lelu ne,

1 Bakalenga 8:20

Yehowa wakamana kujadika dî diandi diakambeye: bualu bua meme nakahingana mu muaba wa tatu wanyi Davidi bua kushikama mu nkuasa wa bukelenge wa Isalele bu muakatulaya Yehowa; nakamana kuashila dina dia Yehowa, Nzambi wa Isalele, nsubu.

1 Bakalenga 8:24

wakajadika ne muntu webe Davidi tatu wanyi mulayi uwakamulaya; bulelela, wewe udi wamba bualu mukana muebe, utu wabumana ne tshianza tshiebe, bu muwakuenza lelu eu.

Misambu 5:8

Yehowa, undombole mu buakane buebe bualu bua bena lukuna banyi; ululamishe nshila webe ku mesu kuanyi.