Misambu 130:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Bena Isalele, nuikale ne ditekemena dienu mu Yehowa, bualu hua kudi Yehowa ke kudi luse lujalame, kudiye kudi buhikudi bukumbane kabidi.

MUKANDA WA MYIDI MUKULU

⁷ Bena Izrayele, Tekemenayi Maweja-Nangila, bualu udi muimpe, udi mua kunusungidila mishindu yonsu.

Misambu 130:7 交叉引用

Misambu 40:3

Wakateka musambu muhia-muhia mukana muanyi, musambu wa kutumbisha nʼau Nzambi wetu. Bantu ba bungi nebamone luhandu luanyi, nebatshine, nebeyemene Yehowa.

Didimanyisha 5:9

Badi bimba musambu muhia-muhia, bamba ne, Wewe udi ne buakane bua kuangata mukunda ne bua kulamuna bimanyishilu biau. Bualu bua wewe wakashihibua ne wakasumbila Nzambi ba mu tshisamba tshionso, ne ba mu muaku wonso, ne ba munkatshi mua bantu bonso, ne ba munkatshi mua ditunga dionso, ku mashi ebe.

Misambu 86:15

Kadi wewe, Mukelenge, udi Nzambi udi ufuila bantu luse ne diakalengele; udi ne lutulu ludi lukanda tshiji tshiebe, udi mûle tente ne luse lujalame ne lulamatu lua bushuwa.

Misambu 86:5

Bualu bua wewe, Mukelenge, udi muimpe, ne mutshima webe udi musue kubuikidila bantu mihi yabo; udi mûle tente ne luse lujalame kudi bonso badi bakubikila,

Misambu 131:3

Nuenu Bena Isalele, nuikale ne ditekemena dienu mu Yehowa, ku diba edi tô ne tshiendelele.

Rome 8:24

Bua tuakasungidibua mu ditekemena; kadi ditekemena didibo bamona ku mesu kanditekemena; bualu bua muntu kai udi utekemena bidiye umona ku mesu?

Yeshaya 55:7

Muntu mubi alekele kuenda mu nshila wandi mubi, udi kayi muakane alekele meji andi mabi; ahingane biandi kudi Yehowa, yeye neamufuile luse; ne kudi Nzambi wetu, bualu bua yeye neatambe kumubuikidila mibi yandi.

Misambu 71:5

Bualu bua wewe, Mukelenge Yehowa, udi ditekemena dianyi; udi tshieyemenu tshianyi ku buana buanyi to ne katataka.

Ebrewu 10:35

Nunku, kanuimashi dikima dienu, didi dinuhingishila difutu dinene.

Sefanya 3:12

Bualu bua nenshiye bantu bakengeshibue ne bahele munkatshi muenu, bobo nebanyemene ku dina dia Yehowa.

Misambu 131:1

Yehowa, mutshima wanyi kawena udibandisha, mesu anyi kaena ne dihetu. Tshiena ngela meji anyi ku mianda mitambe bunene, anyi ku mianda mitambe kunkemesha bua meme kuyenza.

Misambu 130:4

Kadi dibuikidila dia mibi didi kûdi, bua wewe unemekibue.

Luke 14:22

Muntu wandi wakamba ne, Nfumu wanyi, bakuenza bu muwakuamba, kadi miaba mikuabo idi mishale.