Misambu 128:2 - Mukanda wa Nzambi Dihungila Dikulukulu ne Dihungila Dihia-dihia 2003

² Bua wewe neudie bia kudia biwakukuatshila mudimu ku bianza biebe; newikale ne disanka, newikale ne diakalengele.

MUKANDA WA MYIDI MUKULU

² Usanke ne tshiudi mupete ku mudimu webe. Wikale ne disanka, malu ebe onsu neikale bimpe!

Misambu 128:2 交叉引用

Yeshaya 3:10

Nuambile bantu bakane dî edi ne, Nenuikale ne diakalengele; bua nebadie mamuma a bienzedi biabo.

Yeshaya 62:8

Yehowa wakuditshiha ku tshianza tshiandi tshia balume, ne ku diboko diandi dikole ne, Bulelela, tshiena nfila maminu ebe kabidi bu bia kudia kudi badi nʼebe lukuna; ne bantu ba bende kabena banua nyinyo webe muhia-muhia uwakukuatshila mudimu.

Dielulula 28:4

Nenuikale ne disanka bua bana banudi nulela, ne bua bintu bidi bidiunda mu buloba, ne bua kukumbasha kua nyama yenu ne bimuna bienu ne mikoko yenu.

Dielulula 28:11

Yehowa neanuhe bintu bia bungi bia disanka, ne bia kukumbasha kua bana, ne bia kukumbasha kua bimuna ne bintu bidi bidiunda mu buloba buakalaya Yehowa bankambua benu bua kunuhabu.

1 Korente 15:58

Nunku, bana betu bananga, nuikale bakole, nutantamane, nukumbashe mudimu wa Mukelenge misangu yonso, bualu bua nudi bamanye ne, Mudimu unudi nuenza mu Mukelenge kawena hatuhu.

Muambi 8:12

Nansha muntu muenze malu mabi misangu lukama, nansha mushale ne muoyo musangu mule, bulelela, ndi mumanye ne, Badi batshina Nzambi nebahete diakalengele ku mesu kuandi, bua badi bamunemeka;

Efeze 6:3

bua wewe wikale ne dikasa dimpe ne wikale ne muoyo musangu mule ha buloba.

Yirmeya 22:15

Wewe neumanye mua kukokesha bakuabo bualu bua udi ukeba kubahita mu kuasa kua mabaya a cèdre, anyi? Tatu webe kakadia, kakanua, hakakoseye bilumbu bimpe ne hakenzeye biakane, anyi? Mu diba adi wakadi ne diakalengele.

Yeshaya 65:13

Nunku Mukelenge Yehowa udi wamba ne, Tangilai, bantu banyi nebadie, kadi nuenu nenuikale ne nzala; tangilai, bantu banyi nebanue, kadi nuenu nenuikale ne nyota; tangilai, bantu banyi nebasanke, kadi nuenu nenufuishibue bundu;

Dielulula 28:51

bobo nebadie kukumbana kua bimuna bienu, ne bintu biakadiunda mu buloba buenu tô ne hanuajimishibua; kabena banushila kabidi manvua anyi nvinyo mihia-mihia anyi manyi anyi kukumbana kua bimuna bienu anyi bana ba mikoko yenu tô ne hanuajimishibua kudibo.

Dielulula 28:39

Nenukune mitshi ya tumuma tukese, nenuyilame bimpe, kadi kanuena nunua nvinyo, kanuena nuhuola tumuma; bualu bua bishi nebitudie.

Genese 3:19

neudie bidia ne luanga ha mpala hebe to ne hawahingana mu buloba kabidi, wewe wakumushibua mu buloba, wewe udi dinfuenkenya dia buloba, neuhingane mu dinfuenkenya dia buloba kabidi.

Misambu 109:11

Musombeshanganyi angate bintu bionso bidiye nʼabi ku mateyi andi. Benyi bahaule bionso biakuheteye ku mudimu wandi.

Dielulula 28:8

Yehowa nea-nuvudishile disanka mu bisasa bienu, ne mu malu onso anudi nuenza ne bianza bienu; neanuvudishile disanka mu buloba budi Yehowa, Nzambi wenu, nnuha.

Misambu 1:3

Yeye udi bu mutshi wakukunabo kukala kua misulu ya mai, udi ukuama mamuma au mu tshidimu tshiau; dibeshi diau kadiena difubidila. Malu onso adiye wenza adi atuta diakalengele.