Misambu 119:96 - Mukanda wa Nzambi Dihungila Dikulukulu ne Dihungila Dihia-dihia 2003

⁹⁶ Nakumona kunfudilu kua malu onso makane, kadi mukenji webe udi ne butshiama budi butamba bunene.

MUKANDA WA MYIDI MUKULU

⁹⁶ Ndi mmona ne: tshintu tshionsu tshidi ne ndekelu, kadi diyi diebe kadiena ne nshikidilu wadi.

Misambu 119:96 交叉引用

Matayi 24:35

Diulu ne buloba nebijimine, kadi mei anyi kêna ajimina.

Muambi 2:11

Hashishe, nakatangila midimu yonso yakenza bianza bianyi, ne lutatu lunakadi nʼalu; monai, malu onso akadi hatuhu bu kuihata kua luhehele; kakuakadi bualu buimpe muinshi mua diba.

Matayi 5:18

Bulelela, ndi nuambila ne, Tô ne hajimina diulu ne buloba, kaleta kamue kakese ka mikenshi ya Mose kakena kajimina ne katoba kamue kakese tô ne hashika malu onso akafundabo.

Rome 7:14

Tudi bamanye ne, Mikenshi idi ya nyuma, kadi meme ndi ne mutshima wa kulonda malu mabi a mubidi, ndi muhanyibue ku bubi.

Muambi 12:8

Muambi udi wamba ne, Malu a hatuhu, malu onso adi hatuhu.

2 Samuele 17:23

Hakatangila Ahitofele ne, Bakahidia lungenyi luanyi, yeye wakela tshiseba ha nyima ha nyama wandi wa mpunda, wakajuka, wakaya kuandi ku musoko wandi, wakalongolola malu a mu nsubu wandi, wakadiowa, wakafua, bakamujika mu lukita lua tatu wandi.

1 Samuele 17:8

Yeye wakimana biandi, wakela bena nvita ba Bena Isalele dî ne, Nuakuluhuka bua kuela mualu wenu wa nvita bishi? Meme tshiena Muena Peleshete, anyi? Nuenu kanuena bantu ba Shaula, anyi? Nusungule muntu wa munkatshi muenu, alue biandi kundi.

1 Samuele 9:2

Wakadi ne muana wa balume, dina diandi Shaula, wakadi nsongalume muakane; munkatshi mua Bena Isalele kamuakadi muntu mukuabo wakamuhita bulengele; wakahia bantu bakuabo bule ku makaya andi ne ku mutu.

Matayi 5:28

kadi meme ndi nuambila ne, Muntu yonso udi utangila mukashi ne lukuka lua masandi wakumana kuenda nʼandi masandi mu mutshima wandi.

Muambi 7:20

Bulelela, kakuena muntu muakane ha buloba utu wenza malu makane, kayi wenza malu mabi.

2 Samuele 18:17

Bakangata Abashaloma, bakamuha mu lubuebue lunene luakadi muitu, bakamungushila mushiki munene wa mabue; Bena Isalele bonso bakanyema muntu ne muntu ku ntenta wandi.

2 Samuele 18:14

Yoaba wakamba ne, Tshiena mua kujanguluka nʼebe bua bualu ebu. Yeye wakangata mikete isatu mu tshianza tshiandi, wakayasa ha muoyo wa Abashaloma hakadiye mulembelele mutshikale ne muoyo munkatshi mua matamba a mutshi.

2 Samuele 16:23

Mei akamba Ahitofele mu matuku au akadi bu muntu mukonke dî dia Nzambi. Lungenyi luonso bakambila Ahitofele Davidi ne Abashaloma luakadi nunku.

2 Samuele 14:25

Kakuakadi muntu mukuabo wakatumbishabo mu Isalele bua bulengele buandi bu Abashaloma; bualu bua yeye kakadi ne katoba kakese mu lubombo lua mutu wandi tô ne munda mua makasa andi.