Misambu 119:86 - Mukanda wa Nzambi Dihungila Dikulukulu ne Dihungila Dihia-dihia 2003

⁸⁶ Mikenji yebe yonso idi mua kueyemenyibua. Badi bankengesha ne bimbandidi bia mashimi; unkuatshishe!

MUKANDA WA MYIDI MUKULU

⁸⁶ Meyi ebe onsu adi malelela. Bantu badi bandondakaja tshiyi ne bualu, ungambuluishe.

Misambu 119:86 交叉引用

Misambu 70:5

Kadi meme hanyi ndi muntu muhele, ne mukengedi; Nzambi, ulue kundi lukasa! Wewe udi mukuatshishi wanyi ne musungidi wanyi; Yehowa, kujanguluki nansha!

Misambu 35:19

Kuitabushi bua badi nʼanyi lukuna bualu bua bunsonge buabo basanke ku mutu kuanyi. Kuitabushi bua badi bankina handi tshiyi ne bualu banjibe disu.

Misambu 119:78

Badi badisue bafuishibue bundu, bualu bua bakunyanga bualu buanyi ne mashimi abo; meme hanyi nengelangane meji bua mei audi ungambila.

Misambu 109:26

Unkuatshishe, Yehowa Nzambi wanyi; unsungile bua luse luebe lujalame.

Misambu 35:7

Bualu bua hanakadi tshiyi ne tshilumbu, bakunsokokela bukuondo buabo mu dijimba; hanakadi tshiyi ne tshilumbu, bakumbuila muoyo wanyi tshina.

Rome 7:12

Nunku mikenshi idi ya tshijila, ne mukenshi au udi wa tshijila ne udi muakane ne udi muimpe.

Misambu 119:151

Wewe Yehowa, udi ha buihi; mikenji yebe yonso idi ya bushuwa.

Misambu 119:138

Wewe wakujadika mikenji yebe mu buakane buebe ne mu lulamatu luebe lua bushuwa luhita bunene.

Misambu 119:128

Bua malu a ndi mbala mei ebe onso audi ungambila ne, Adi makane; ndi nkina nshila yonso wa mashimi.

Yirmeya 18:20

Nebafute malu mabi ku malu mimpe, anyi? Bualu bua bakuimbila muoyo wanyi dijimba. Uvuluke bu munakimana ku mpala kuebe bua kubakuila kûdi, ne bua kukudimuna tshiji tshiebe bua katshifiki kudibo.

Misambu 119:142

Buakane buebe budi buakane bua kashidi, mikenji yebe idi ya bushuwa.

Misambu 19:9

Ditshina dia Yehowa didi ditoke, didi dishindama tshiendelele; dî dijalame dia Yehowa didi dia bushuwa, didi ne buakane misangu yonso.

Misambu 143:9

Yehowa, umpandishe kudi badi nʼanyi lukuna; ndi nyemena kûdi bua kusokoma.

Misambu 38:19

Kadi bena lukuna banyi badi batantamena, badi bakole; badi bankina hatuhu badi bavulangana.