Misambu 119:53 - Mukanda wa Nzambi Dihungila Dikulukulu ne Dihungila Dihia-dihia 2003

⁵³ Tshiji tshikole tshiakunkuata bualu bua bantu babi, badi balekela kutumikila mikenji yebe.

MUKANDA WA MYIDI MUKULU

⁵³ Tshiji tshidi tshinkuata pandi mmona bantu babi, babenga mikenji yebe.

Misambu 119:53 交叉引用

Ezela 9:3

Hanakunvua bualu ebu, nakadihanda bilulu bianyi ne tshikowelu tshianyi, nakadila nsuki yanyi ne muedi wanyi; akashikama hanshi ntua mikemu.

Misambu 119:158

Nakatangila batungidi ba tshitungu, malu abo akantonda, bualu bua kabena batumikila dî diebe.

Filipe 3:18

Bualu bua ba bungi badi benda, banakanuambila malu abo misangu ya bungi, ne bandi nuambila katataka ne binsonshi ku mesu ne, Badi bena lukuna lua mutshi mutshiamakane wa Kilisto;

Yirmeya 13:17

Kadi binuahidia kunyua dî diandi, mutshima wanyi neudile mu musokoko bualu bua dihetu dienu; binsonshi bia bungi bia ku mesu kuanyi nebihueke hanshi, bualu bua bakukuata tshisumbu tshia mikoko ya Yehowa mu buhika.

Ezela 10:6

Bakaditshiha nunku. Ezela wakajuka ku mpala kua nsubu wa Nzambi, wakabuela mu nsubu wa Yehohanana, muana wa Eleyashiba; hakabueleyemu, kakadia, kakanua, bualu bua yeye wakajinga bua bualu bubi buakenza bantu bakumuka mu buhika.

2 Korente 12:21

bua hanalua kunudi tshiakabidi, Nzambi wanyi kantamunyi ku mpala kuenu, ne mutshima wanyi kunyingaladi bua bantu bangi bakenza malu mabi diambedi ne kabena banze kukudimuna mitshima yabo ku meshi mabi ne tshiendenda tshia malunda mabi ne masandi biakenzabo.

Abakuke 3:16

Nakunua malu â, ne mutshima wanyi wakuhampakana, mishiku yanyi yakukanka bua tshiona atshi. Mifuba yanyi yakuvingutuka, nakuzakala mu muaba unakuimana; ndi ne bua kuindila dituku dia ntatu, muhuwe talalâ; tô ne haluadi kudi bantu badi batukengesha.

Danyele 4:19

Hashishe, Danyele, udibo babikila ne, Beleteshasâ, wakadi ne mutshima muhandike tô tshituha tshia diba, ne meji andi akamutatshisha. Mukelenge wakamuambila ne, Beleteshasâ, tshilota etshi ne dijingulula diatshi kabikutatshishi nansha. Beleteshasâ wakamukudimuna ne, Mukelenge wanyi, tshilota etshi tshikale kudi badi nʼebe lukuna, ne dijingulula diatshi dikale kudi badi basue kukunyoka.

Misambu 119:136

Mesu anyi adi ahatula binsonshi bu misulu ya mai; bualu bua bantu kabena batumikila mikenji yebe.

Nehemya 13:25

Nunku nakatanda nʼabo, nakabela mulau, nakabakuma, nakatua nsuki yabo, nakabatshihisha kudi Nzambi ne, Kanufidi bana benu bakashi kudi bana babo balume, kanuangatshidi bana benu balume bakashi kudibo, kanudiangatshidibo nuenu kabidi.

Misambu 89:30

Biabenga bana bandi diyisha dia mikenji yanyi, bikalabo kabayi benda mu mei andi mbambila;

Ezela 9:14

netushihe mikenji yebe kabidi bua kubuelakana ne bantu aba mu malu abo a bundu munyi? Bituenza nunku wewe kuena wikala nʼetu tshiji tô ne hawatubutula buonso buetu, nunku difuka dikese dia bantu kadiena mua kushala anyi kuhanduka, anyi?

Nehemya 5:6

Hanakunvua muadi wabo ne mei â, nakadi ne tshiji tshikole.