Misambu 119:22 - Mukanda wa Nzambi Dihungila Dikulukulu ne Dihungila Dihia-dihia 2003

²² Ungumushile dihetu ne kulengulula, bualu bua nakulama mei ebe awakummanyisha.

MUKANDA WA MYIDI MUKULU

²² Ungumbushile kapeja ne tuseku, bualu ndi ndama mikenji yebe.

Misambu 119:22 交叉引用

Misambu 119:39

Ungumushile tshihendu tshindi ntshina, bualu bua mei ebe majalame adi mimpe.

Misambu 39:8

Umpandishe ku matomboka anyi onso. Kunvuishi muntu udi muhote uhenda.

1 Petro 2:20

Butumbi budi hanyi binuadikankamika hanuenza bualu bubi ne badi banukuma? Kadi binuadikankamika hanuenza bualu buimpe ne nudi mikenga, bualu ebu budi bua kusakidila ku mesu kua Nzambi.

Ebrewu 13:13

Nunku, tuye bietu kudiye kukala kua tshitudilu, batuala bihendu bia bualu buandi.

Misambu 119:42

Nunku nengikale ne dî dia kukudimuna muntu udi umpenda, bualu bua ndi ngeyemena dî diebe.

Misambu 42:10

Bu mudibo batshibula mifuba yanyi, bena lukuna banyi badi bampenda, hatshidibo bankonka dinda tô ne ku dilolo ne, Nzambi webe udi hanyi?

Misambu 37:6

Yeye neumueneshe buakane buebe bu mudi munya umueneka, neamueneshe dibingishibua diebe bu diba dia munda munya.

Misambu 37:3

Eyemena Yehowa ne enza malu mimpe; nunku neushikame mu buloba, neudie bia kudia mu dimueyemena diebe.

Yobe 16:20

Balunda banyi badi bambuidia; kadi mesu anyi adi ahumuina Nzambi binsonshi,

1 Samuele 25:39

Hakunyua Davidi ne, Nabala wakafua, yeye wakamba ne, Yehowa asankishibue bualu bua yeye wakungakuila bua bundu bunakaheta ku tshianza tshia Nabala, wakakanda muntu wandi bua yeye kenji bibi; Yehowa wakatangisha bienzedi bibi bia Nabala ha mutu handi. Davidi wakatuma bantu kudi Abigayila bua kumuangateye bu mukashi wandi.

1 Samuele 25:10

Nabala wakakudimuna bantu ba Davidi dî ne, Davidi udi nganyi? Muana wa Yishai udi nganyi? Bahika ba bungi badi batombokela bakelenge babo matuku â.