Misambu 119:2 - Mukanda wa Nzambi Dihungila Dikulukulu ne Dihungila Dihia-dihia 2003

² Disanka didi kudi badi banemeka mei andi, badi bamukeba ne mitshima yabo mijima.

MUKANDA WA MYIDI MUKULU

² Bantu badi balonda mikenji yende, bamutumikila ne muoyi wabu mujima, badi ne disanka!

Misambu 119:2 交叉引用

Yirmeya 29:13

Nenunkebe ne nenumpete, hanuankeba ne mitshima yenu mijima.

Misambu 119:10

Nenkukebe ne mutshima wanyi mujima; kuitabushi bua meme kusesuka ku mikenji yebe.

Dielulula 4:29

Kadi kuaka nenukebe Yehowa, Nzambi wenu, nenusangakene nʼandi hanuamukeba ne mitshima yenu yonso ne mioyo yenu yonso.

Yowanane 14:23

Yesu wakamukudimuna ne, Biansua muntu, nenze dî dianyi; Tatu wanyi neamusue, tuetu netulue kudiye, netuikale ngandi.

Misambu 25:10

Nshila yonso ya Yehowa idi ya luse lujalame ne lulamatu kudi badi batumikila tshihungidi tshiandi ne mikenji yandi.

Yezekiyele 36:27

Nenteke Nyuma wanyi munda muenu, nennuendeshe mu mikenji yanyi mifunda, nenutumikile mikenji yanyi, nengenze.

Nsumuinu 23:26

Muanʼanyi, Umpe mutshima webe, mesu ebe atangile nshila yanyi.

Dielulula 6:17

Nutumikile mikenji ya Yehowa, Nzambi wenu, ne mei akanuambileye ne malu andi akanumanyisheye.

2 Kulondolola 31:21

Malu onso akabangeye mu mudimu wa mu nsubu wa Nzambi ne a mu mikenji ne mei bua kukeba Nzambi wandi, yeye wakaenza ne mutshima wandi wonso, wakadi ne diakalengele.

1 Bakalenga 2:3

Utumikile mei a Yehowa, Nzambi webe, bua kuenda mu nshila yandi, ne bua kulamata mikenji yandi ne mei andi onso ne mikandu yandi ne mianda yandi yonso bu mudibi bifunda mu mikanda ya Mose, bua wewe wikale ne diakalengele mu malu onso audi wenza, ne mu nshila yonso ludi wenda;

1 Yone 3:20

bua hikala mitshima yetu ituhisha, Nzambi udi uhita mitshima yetu bunene, ne udi mumanye malu onso.

Misambu 105:45

Bua kulondabo mei akabambileye; ne bua kutumikilabo mikenji yandi. Tumbishai Yehowa!

Dielulula 6:5

sua Yehowa, Nzambi webe, ne mutshima webe wonso, ne muoyo webe wonso, ne bukole buebe buonso.

Misambu 119:22

Ungumushile dihetu ne kulengulula, bualu bua nakulama mei ebe awakummanyisha.

Misambu 119:146

Ndi nkubikila; unsungile, bua ntumikile mikenji yebe idi ilesha bu mûdi.

1 Kulondolola 22:19

Nunku nutokeshe mitshima yenu ne mioyo yenu bua kukeba Yehowa, Nzambi wenu; jukai, nuashile Yehowa Nzambi muaba wandi wa tshijila, bua nuenu nulue ne mushete wa tshihungidi tshia mei a Yehowa ne bintu bia tshijila bia Nzambi mu nsubu unudi mubaka mu dina dia Yehowa.

Misambu 119:17

Wenzele muntu webe malu mimpe makumbane, bua meme ngikale ne muoyo, ne bua ntumikile dî diebe.

Misambu 119:33

Yehowa, unyishe nshila wa mikenji yebe mifunda, nendamatemu tô ne kunfudilu kuandi.

Misambu 119:34

Umpe lungenyi, bua ndame mikenji yebe; ne bua meme kuyitumikila ne mutshima wanyi mujima.

Misambu 119:57

Yehowa udi buhianyi buanyi; nakuamba ne, Nendame mei ebe.

Misambu 119:69

Badi badisue badi banshiminyina bikole, kadi nendame mei awakungambila ne mutshima wanyi mujima.

Misambu 119:88

Usangashe muoyo wanyi bu mudi luse luebe lujalame, bua ndame mikenji ya mukana muebe.

Misambu 119:101

Ndi nkanda makasa anyi bua kaendedi mu nshila yonso mubi, bua ntumikile dî diebe.

Misambu 119:115

Nuenu benji ha malu mabi, umukai kundi, bua meme kutumikila mikenji ya Nzambi wanyi.