Misambu 114:2 - Mukanda wa Nzambi Dihungila Dikulukulu ne Dihungila Dihia-dihia 2003

² Yuda wakalua nsubu wandi wa tshijila, Bena Isalele bakalua bukokeshi buandi.

MUKANDA WA MYIDI MUKULU

² Yuda kushala muaba wa tshijila wa Maweja-Nangila, Izrayele kushala buloba buende.

Misambu 114:2 交叉引用

Ekesode 25:8

Bobo bangashile tshitendelelu, bua meme kuikala munkatshi muabo.

Ekesode 15:17

Wewe neulue nʼabo, neubateke mu mukuna wa buhianyi buebe, muaba uwakusungula, Yehowa, ne, Nenshikamemu, muaba wa tshijila, uwakajadika ne bianza biebe.

Ekesode 6:7

Nennuangate bu bantu banyi ne meme nengikale Nzambi wenu, nuenu nenumanye ne, Meme udi Yehowa, Nzambi wenu, udi unuhatula muinshi mua majitu a Bena Ejipitu.

Dielulula 27:9

Mose ne bakuidi ba mu Bena Lewi bakambila Bena Isalele bonso ne, Huwai, unvuai, Bena Isalele, lelu nuakulua bu bantu ba Yehowa, Nzambi wenu.

Dielulula 23:14

bualu bua Yehowa, Nzambi wenu, udi wendakana munkatshi mua tshitudilu bua kunusungila, ne bua kufila badi nʼenu lukuna mu bianza bienu; nunku tshitudilu netshikale tshia tshijila. Yehowa katangidi tshintu tshibi munkatshi muenu, kasesuki kunudi.

Lewitiki 11:45

Bualu bua meme ndi Yehowa wakanuhatula mu buloba bua Ejipitu bua kuikala Nzambi wenu; nuenu nuikale bantu ba tshijila bualu bua meme ndi wa tshijila.

Didimanyisha 21:3

Nakinama dî dikole difuma mu nkuasa wa butumbi diamba ne, Tangilai, nsubu wa tshilulu wa Nzambi udi munkatshi mua bantu, ne yeye neikale nʼabo, ne bobo nebikale bantu bandi; ne Nzambi mume neikale nʼabo, neikale Nzambi wabo.

Dielulula 27:12

Bantu aba nebimane ha mutu ha Gelizima bua kuvudishila bantu disanka hanuasabuka Yadene: Shimeona ne Lewi ne Yuda ne Yisakâ ne Yosefe ne Benyamina.

Dielulula 7:6

Bualu bua nuenu nudi bantu ba tshijila kudi Yehowa, Nzambi wenu; Yehowa, Nzambi wenu, wakanusungula munkatshi mua bisamba bionso bidi hanshi ha buloba, bua nuenu nuikale bantu ba buhianyi buandi.