Misambu 111:2 - Mukanda wa Nzambi Dihungila Dikulukulu ne Dihungila Dihia-dihia 2003

² Midimu ya Yehowa idi minene, idi mikononona kudi bonso badi basanka bualu buai.

MUKANDA WA MYIDI MUKULU

² Malu adi Maweja-Nangila muenze adi manene, bantu badi baamone badi baanyishe.

Misambu 111:2 交叉引用

Misambu 104:24

Yehowa, mona mudi bungi bua mishindu ya midimu yebe! Wewe wakenza buonso buai ne lungenyi luebe; buloba budi bûle tente ne bintu biwakafuka.

Nsumuinu 24:14

Wamanya ne meji adi muomumue ku muoyo webe: Biwâheta, malu mimpe makuabo nealue kûdi, ne ditekemena diebe kadiena dijimina.

Misambu 143:5

Ndi nvuluka matuku a diambedi, ndi ngelangana meji a bienzedi biebe bionso; ndi ngelangana meji a mudimu wa bianza biebe.

Misambu 139:14

Ndi nkusakidila, bualu bua difukibua dianyi didi dilengesha meji a mua kukunemeka bikole, didi dikemesha. Midimu yebe yonso idi malu a kukema; mutshima wanyi udi mumanye bualu ebu bimpe.

Didimanyisha 15:3

Badi bimba musambu wa Mose, muhika wa Nzambi, ne musambu wa Muana wa Mukoko, bamba ne, Mukelenge Nzambi wa Bukole Buonso, midimu yebe idi minene ne ya dikema. Wewe, Mukelenge wa bikondo, nshila yebe idi miakane ne ya bulelela.

Efeze 1:19

ne bua nuenu kumanya budi bunene buhite bua bukole buandi kutudi tuetu badi bamuitabusha. Wakatulesha bu mudi kuenzesha kua bukole buandi bunene

Danyele 4:3

Monai bunene bua bimanyinu biandi! Monai bukole bua malu andi a kukema! Bukelenge buandi budi bukelenge bua tshiendelele, bukokeshi buandi budi bushala ku tshikondo ku tshikondo.

Muambi 3:11

Yeye wakafuka tshintu tshionso tshiakane mu tshikondo tshiatshi; wakuteka lungenyi mu mitshima ya bantu, kadi kabena bamanye mua kujingulula mudimu wa Nzambi wakenzeye ku tshibangidilu tshia buloba tô ne kunshikidilu kuabu.

Nsumuinu 17:16

Bua tshinyi muhote udi ne mushinga mu tshianza tshiandi bua kusumba nʼau meji, hadiye kayi ujingulula mianda?

Rome 8:6

Bualu bua meshi mateka ku malu a mubidi adi lufu, kadi meshi mateka kudi Nyuma adi muoyo ne ditalala.

Rome 1:28

Bu muakahidiabo kuikala ne Nzambi mu meshi abo, nunku Nzambi wakabafila ku meshi a hatuhu akahidleye, bua kuenzabo malu adi kâi makanangane ne lungenyi.

Yobe 37:7

Udi ukonyisha bianza bia muntu yonso, bua bantu bonso bakafumeye bamanye mudimu wandi.

Yobe 9:10

Udi wenza malu manene ne adi bantu kabayi bamanye mua kujingulula, udi wenza malu a kukema adi kâyi mua kubadibua.

Yobe 5:9

udi wenza malu manene ne malu adi bantu kabayi mua kujingulula, ne malu a kukema adi kâyi mua kubadibua:

Yeshaya 40:12

Eu nganyi wakidikisha mai onso munda mua tshianza tshiandi, wakuelekesha diulu ne ntanta wa tshianza tshiandi, wakusangisha dinfuenkenya dia buloba mu tshihiminu bua kulubala, wakuidikisha bujitu bua mikuna mile mu tshidikishilu, ne bujitu bua mikuna mihi mu tshiamu tshia kuidikisha nʼatshi bujitu?

Misambu 107:43

Udi ne meji adimuke biandi bua malu â; bantu belangane meji a luse lujalame lua Yehowa.

Misambu 104:34

Meji andi ngela bua bualu buandi amusankishe, bua meme ndi nsanka mu Yehowa.

Yobe 37:14

Unvua dî edi, Yobo; imana biebe talalâ, elangana meji a midimu ya kukema idi Nzambi wenza.

Misambu 118:15

Mbila ya disanka ne ya luhandu lua mu nvita idi yunvuika mu nsubu ya ntenta ya bantu bakane; tshianza tshia bukole tshia Yehowa tshidi tshienza malu a bukitu;