Misambu 104:30 - Mukanda wa Nzambi Dihungila Dikulukulu ne Dihungila Dihia-dihia 2003

³⁰ Udi utumaku Nyuma webe, bidi bifukibua; udi wandamuna mpala wa buloba tshiakabidi bulue buhia-buhia.

MUKANDA WA MYIDI MUKULU

³⁰ Udi ubipingajila mueyelu, ubifukulula, bionsu bidi bienza bipiabipia pa buloba.

Misambu 104:30 交叉引用

Yobe 33:4

Nyuma wa Nzambi wakunfuka, muhuya wa Wa Bukole Buonso wakumpa muoyo.

Yezekiyele 37:9

Hashishe yeye wakangambila ne, Ela di diebe dia buprofete kudi luhehele; ela dî diebe, wewe muana wa muntu, ambila luhehele ne, Mukelenge Yehowa udi wamba ne, Lua ku mpehele inai, wewe muhuya, buela munda mua bantu aba bashihibue bua bobo bikale ne muoyo.

Didimanyisha 21:5

Yeye udi ushikama ha nkuasa wa butumbi, wakamba ne, Mona, ndi nvuisha bintu bionso bihia-bihia. Yeye wakuamba ne, Funda; bualu bua mei â adi mei a kueyemena ne malelela.

Yobe 26:13

Ku muhuya wandi diulu didi dilengeshibua; tshianza tshiandi tshiakusompola nyoka munene udi wenda lubilu.

Tite 3:5

kembua midimu ya mu buakane ituakenza nkayetu, kadi bu mudi luse luandi wakatusungila, bualu bua diuvua dia kuedibua kua tshiakabidi ne bua mitshima mihia-mihia yakatuhabo kudi Nyuma Muimpe,

Misambu 33:6

Ku dî dia Yehowa bintu bia mu diulu bia kufukibua, tshisumbu tshiabi tshionso tshiakafukibua ku muhuya wa mukana muandi.

Yeshaya 65:17

Bua monai, ndi nfuka diulu dihia-dihia ne buloba buhia-buhia; malu a diambedi kaena avulukibua, ne malu â kaena abuela mu mitshima kabidi.

Efeze 2:1

Ne Nzambi wakanuvuisha ne muoyo hanuakadi bafue bua kushiha kuenu kua mikenshi ne bua malu mabi enu,

Yeshaya 66:22

Bualu bua bu mudi diulu dihia-dihia ne buloba buhia-buhia, bindi ngenza bishala ku mpala kuanyi, mmudi Yehowa wamba, mbu mudi tunkanunuma tuenu ne dina dienu bishala.

Yobe 12:10

ne mu tshianza tshiandi mudi muoyo wa bintu bionso bidi ne muoyo ne muhuya wa bukua bantu bonso?

Yezekiyele 37:5

Mukelenge Yehowa udi wambila mifuba ei ne, Tangilai, nengele muhuya munda muenu, nenuikale ne muoyo.

Yezekiyele 37:6

Nenteke mifungu hamʼbidi henu, nennuluatshishe misunyi, nennubuikile ne dikoba, nennuele muhuya munda muenu, ne nenuikale ne muoyo; nunku nenumanye ne, Meme ndi Yehowa.