Mika 3:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Nunku bua bualu buenu nebabundulule Siona ne lukasu bu mudibo babundulula budimi; Yelushalema neikale bu mishiki ya mabue, ne mukuna wa ntempelo newikale bu mikuna ya muitu.

MUKANDA WA MYIDI MUKULU

¹² Nanku bualu buenu, Siyone neikale bu budimi, budibu babundulula ne lukasu. Yerushalayime neashale makolu. Mukuna wa nzubu wa Mvidi Mukulu nebaubuikile kudi tshipuka.

Mika 3:12 交叉引用

Yirmeya 26:18

Mika, Muena Molesheta, wakambila bantu dî dia Nzambi mu matuku a Hezikiya, mukelenge wa Yuda. Yeye wakambila Bena Yuda bonso ne, Yehowa wa misumba udi wamba ne, Nebabundulule Siona bu mudibo babundulula budimi, Yelushalema nealue anu bikulu, ne mukuna wa ntempelo newikale bu mukuna mu ditu.

Misambu 79:1

Nzambi, bisamba bia bantu biakubuela mu buhianyi buebe; kunyanga ntempelo webe wa tshijila; biakubutula Yelushalema bua kulueye mishiki ya mabue.

Matayi 24:2

Kadi yeye wakabambila ne, Nudi nutangila bintu ebi bionso, anyi? Bulelela, ndi nuambila ne, Kabena bashîa dibue dimue ha mutu ha dikuabo, nebâsasule buonso buau.

Mika 1:6

Bua malu â nenvuishe Samalea bu mushiki wa mabue mu budimi, bu madimi a kukuna tumuma tua nvinyo. Nembungulushe mabue andi mu tshibanda, nemmueneshe bishimikidi biandi hatoke tô.

Misambu 107:34

Udi ukudimuna buloba bufuke bua kuluabu tshihela tshia luehu, bua malu mabi a bantu badi bashikamemu.

Yirmeya 9:11

Nenvuishe Yelushalema bu diala ne bu muaba udi mibuabua nushikame; nenvuishe misoko ya mu Yuda bikulu bidi kabiyi ne bantu.

Yirmeya 17:3

Wewe, mukuna wanyi wa mu mpata, nenfile biuma biebe ne bintu biebe bionso bia mushinga mukole bia mu maloba ebe onso kudi bakuabo bu bintu biakunyengabo ne bitendelelu bia ha mikuna kabidi, bualu bua bubi buebe.

Yirmeya 22:6

Bualu bua Yehowa udi wamba bua tshiota tshia mukelenge wa Yuda ne, Wewe udi kundi bu Gilada, ne bu mutu wa Lebanona, kadi bulelela, nenkuvuishe bu tshihela, ne musoko udi kauyi ne bantu.

Yirmeya 35:17

nunku Yehowa, Nzambi wa misumba, Nzambi wa Isalele, udi wamba ne, Monai, nentumine Bena Yuda ne bantu bonso ba mu Yelushalema makenga onso anakubambila; bualu bua nakubambila dî, ne kabena bunvua, nakubabikila, ne kabena bitabe.

Yirmeya 44:2

Diakamba ne, Yehowa wa misumba, Nzambi wa Isalele, udi Wamba ne, Nuakutangila makenga onso anakutumina ba mu Yelushalema ne ba mu misoko yonso ya mu Yuda; monai, lelu eu misoko ei idi bikulu, ne kakuena muntu udi mushikamemu;

Yirmeya 52:13

Yeye wakoshesha nsubu wa Yehowa ne nsubu ya mukelenge; wakayoshesha ne nsubu yonso ya mu Yelushalema, nsubu minene yonso mene ne kahia.

Muadi 5:18

bualu bua Mukuna wa Siona wakulua bu tshihela tshia hatuhu, ne mibuabua idi yendelamu.

Yeshaya 32:14

Bua mbalasa wa nfumu neikale munda mutuhu; musoko wakadi ne bantu bavule newikale dikolo. Mukuna ne tshibumba tshia batentekedi nebikale mena a nyama tshiendelele, nebikale miaba ya disanka kudi mpunda ya mu tshisuku ne budimi bua mashinde bua kudishamu bimuna.

Yirmeya 9:10

Nengashile mikuna muadi, nempatule binsonshi, nengashile miaba ya mu tshihela idi ne mashinde muadi mukole, bualu bua bakayosha, nunku kakuena muntu wahitshilaku; bantu kabena mua kunvua miadi ya ngombe kabidi; nyunyu ya mulu ne nyama ya mu tshisuku yakanyema, yakaya.

Yirmeya 22:5

Yehowa udi wamba ne, Kadi binuahidia kunvua mei â, ndi nditshiha nkayanyi ne, Nsubu eu neabutuke kabutu.