Matayi 5:19 - Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Washiha mukenshi umue wa mu mikenshi ei idi mitambe butekete, ne wayisha bantu bakuabo nunku, nebamuidike ne, Mutambe bukese mu bukelenge bua mu diulu; kadi wayenza, ne wayisha bantu bakuabo nunku, nebamuidike ne, Munene mu bukelenge bua mu diulu.

MUKANDA WA MYIDI MUKULU

¹⁹ Padi muntu ubenga mukenji, nansha wowu mukese ku yonsu, ulongesha bakuabu mua kuubenga, mu Bukalenga bua mu diulu neikale mukese ku bantu bonsu. Kadi muntu udi utumikila ku mukenji, ulongesha bakuabu mua kuukumbaja, nebamuangate ne mushinga mu Bukalenga bua mu diulu.

Matayi 5:19 交叉引用

Dielulula 12:32

Nuenu nutumikile, nuenze mei onso anakunuambila; kanutentekashi dî dikuabo ha mutu ha mei au, kanûmushi dî ku mei au.

Matayi 28:20

nubayishe mua kuenza malu onso anakanuambila; ne monai, ndi nʼenu matuku onso tô ne kunshikidilu kua tshikondo etshi.

Matayi 11:11

Bulelela, ndi nuambila ne, Munkatshi mua bakalelabo kudi bakashi kamuakubika mukuabo mutambe Yone Mubanji; kadi udi mutambe bonso bukese mu bukelenge bua mu diulu udi mumutambe yeye.

Misambu 119:6

Nunku tshifuishibu bundu handi mmona mikenji yebe yonso bimpe.

Tite 3:8

Dî edi didi mua kueyemenyibua; ne bua malu â ndi musue wewe kuâmba, mumanye ne, Nga bushua, hua bantu bakumana kuitabusha Nzambi bananukile mu midimu mimpe. Malu â adi mimpe ne adi avuishila bantu mushinga muimpe;

Danyele 12:3

Badi ne meji nebakenke bu bintu bia mu diulu, ne badi balombola bantu ba bungi ku buakane nebakenke bu mitoto kashidi ne kashidi.

Misambu 119:128

Bua malu a ndi mbala mei ebe onso audi ungambila ne, Adi makane; ndi nkina nshila yonso wa mashimi.

Didimanyisha 2:20

Kadi ndi nʼebe bualu ebu ne, udi witabusha mukashi au Izebele, udi udibikila muprofete mukashi; ne udi uyisha ne udi uhambuisha bahika banyi bua kuendabo masandi ne bua kudiabo bintu bishihela mpingu.

Rome 6:15

Tuenze tshinyi? Tuenze malu mabi bualu bua katuena munshi mua mikenshi ne bua tudi munshi mua ngasa, anyi? Nasha kakese!

Dielulula 27:26

Muntu yonso udi kayi ujadika mei a mikenji ei bua kuyenza udi ne mulau. Bantu bonso nebakudimune dî ne, Amen.

1 Timote 6:11

Kadi wewe, muntu wa Nzambi, nyema malu â; londa malu makane ne a buimpe bua Nzambi ne ditabusha ne dinanga ne ditantamana ne kalolo.

Rome 6:1

Ahu netuambe tshinyi? Netushale mu dienzenza dia bubi bua ngasa asangane, anyi?

1 Petro 5:4

Ne hamueneshibue Mulami Munene, nenuangate tshifulu tshia butumbi tshidi katshi tshifubidila.

Luke 11:42

Kadi nuenu Bafalese, mulau ulualua kunudi, bualu bua nuenu nutu nuafila tshia dikumi tshia luenyi ne tshia tshikote ne tshia midioko yonso, kadi nudi nuhetula dilumbulula dijalame ne luse bia Nzambi; biakadi bimpe bia nuenu kuenza malu â a itu nyima, kambimpe nuhidie kuenza malu au a ku mpala kabidi.

Matayi 19:28

Yesu wakabambila ne, Bulelela, ndi nuambila ne, Mu dituku dialedibua bintu bionso tshiakabidi, hashikama Muana wa muntu mu nkuasa wa butumbi buandi, nuenu kabidi bakundonda, nenushikame mu nkuasa dikumi ne ibidi, nulumbuluisha bisamba dikumi ne bibidi bia Isalele.

1 Samuele 2:30

Nunku Yehowa, Nzambi wa Isalele, udi wamba ne, Nakadianjila kuamba ne, Ba mu nsubu webe ne ba mu nsubu wa tatu webe nebende ku mesu kuanyi tshiendelele; kadi katataka Yehowa udi wamba ne, Bualu ebu bumuke kundi, bualu bua badi bantumbisha nembatumbishe, ne badi bampetula, nembalengulule.

Rome 3:8

Munyi katuambi ne, Tuenze malu mabi bua kuvuisha malu mimpe (bu mudibo batushiminyina ne bu mudi bakuabo bamuangalasha lumu ne, Badi bamba)? Dihila diabo nedikale dijalama.

Bienzedi 1:1

Teofilo, mu mukanda wa diambedi nakafunda malu onso akabanga Yesu kuenza ne kuyisha bantu

Luke 9:48

wakabambila ne, Witabusha muana mukese eu mu dina dianyi udi ungitabusha meme; wangitabusha meme udi witabusha udi muntume; bua udi mutambe bukese munkatshi muenu nyeye udi mimene.

Luke 1:15

Yeye neikale muntu munene ku mesu kua Mukelenge; kanu biandi nvinyo ne bintu bidi bikuatangana; yeye neûshibue tente ne Nyuma Muimpe diambedi mamu wandi kai muanze kumulela.

Matayi 20:26

Bualu buenu kabuena nunku; wasua kulua munene munkatshi muenu neikale muena mudimu wenu;

1 Yone 3:4

Muntu yonso udi wenza bubi udi ushiha mikenshi kabidi, bualu bua bubi budi kushiha kua mikenshi.