Matayi 24:22 - Mukanda wa Nzambi Dihungila Dikulukulu ne Dihungila Dihia-dihia 2003

²² Bu matuku au kâi makeheshibue kudi Nzambi, nasha muntu wakadi kuhanduka; kadi Yeye neateheshe matuku au bualu bua badibo basungula kudi Nzambi.

MUKANDA WA MYIDI MUKULU

²² Bu Mvidi Mukulu kayi mukepeshe bungi bua matuku awu, muntu nansha umue kavua mua kupanda. Kadi mmuakepeshe, bualu bua bantu badiye musungule.

Matayi 24:22 交叉引用

Marke 13:20

Bu Mukelenge kai mukeheshe matuku au, muntu umue kakadi kuhanduka; kadi yeye wakukehesha matuku au bualu bua bantu bandi bakusunguleye.

2 Timote 2:10

Nunku ndi nkankamana mu malu makole onso bua muanda wa bantu basungula, bua bobo bangate luhandu lua mu Kilisto Yesu ne butumbi bua tshiendelele.

Matayi 24:31

Yeye neatume banjelo bandi ne mpungi wa dî dikole, nebasangishe bakusunguleye ba ku mpehele inai, kunfudilu kukuabo kua diulu tô ne kukuabo.

Matayi 24:24

Bualu bua ba-Kilisto ba mashimi nebalue, ne baprofete ba mashimi, nebaleshe bantu bimanyinu binene ne malu a kukema bualu bua kuhambuisha badi basungula kadi Nzambi mene mene; biamanyabo mua kuenza nunku.

Rome 9:11

ne diambedi bana kabai banze kuledibua, kabai banze kuenza bualu buimpe anyi bualu bubi, bualu bua disua dia Nzambi dikale dijalama bu mudi disungula diandi, kambua kuenza kua mikenshi, kadi bua yeye udi ubabikila,

Matayi 22:14

Bualu bua bantu ba bungi badi babikidibua, kadi banya-banya badi basungudibua.

Luke 18:7

Nzambi mene kena usombuela bakasunguleye, batu badila kudiye butuku ne munya, nasha bialehesheye musangu mule bua kubakuatshisha, anyi?

Zekâya 14:2

Bualu bua nensangishe ba mu bisamba bionso bua kuluanganabo nvita ne Bena Yelushalema; nebanyenge musoko, nebahaule bia mu nsubu, nebakuate bakashi ku bukole; tshituha tshia hankatshi tshia bena musoko netshibuele mu buhika, kadi bantu hadi bashala kabena bumushibua mu musoko.

Zekâya 13:8

Yehowa udi wamba ne, Muanda eu newikale mu buloba ebu buonso, nebashihe bituha bibidi, nebafue; kadi tshituha tshisatu netshishalemu.

Yeshaya 6:13

Biashalamu tshia dikumi, tshiotshi netshioshibue mu kahia tshiakabidi, bu mudi mutshi wa telebinta anyi mutshi wa chêne ishiya bikuka hayitahabo hanshi. Tunkanunuina tua tshijila netuikale tshikuka tshia bantu aba.

1 Petro 1:1

Petelo, mupostolo wa Yesu Kilisto, kudi bantu basungudibue kudi Nzambi, badi benyi bena tshimuangi, ba mu Ponto, Galatia, Kapadokia, Asia ne mu Bitunia,