Matayi 15:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Hashishe, bayidi bandi bakalua kudiye, bakamuebesha ne, Kuena mumanye biebe ne, Bafalese bakulenduka, hakunvuabo dî edi, anyi?

MUKANDA WA MYIDI MUKULU

¹² Ke balongi kusemena kudi Yezu, bamukonka ne: — Udi mumanye muvua Baparushe bafike munda pa kumvua muuvua wakula anyi?

Matayi 15:12 交叉引用

Yakobe 3:17

Kadi meshi adi afuma mu diulu diambedi adi mimpe, hashishe adi ditalala, adi buhote, budi bualu butekete bua kuasengelela, adi mûle tente ne luse ne mamuma mimpe, kêna ne mpata, kêna ne lubombo.

Ngalate 2:5

Kadi katuakabakokela nasha tshituha tshimue tshia diba; bualu bua bushua bua lumu luimpe buikale nʼenu.

2 Korente 6:3

Katuena tulenduisha muntu mu bualu, bua mudimu wetu kaubandibu.

Matayi 17:27

Kadi katubalenduishi, uye biebe ku dishiba, wele ndoho mu mai, wangate mushiha wadianjila kulua; hawabuela mukana muau, neusangane nshekela; umuangate, ubaheye bua wanyi ne webe.

Matayi 11:6

Muntu yonso udi kai ulenduka bua bualu buanyi udi ne disanka.

Matayi 15:11

Tshintu tshidi tshibuela mukana mua muntu katshiena tshimubihisha, tshidi tshiluhuka mukana muandi ntshidi tshimubihisha.

Matayi 15:13

Kadi yeye wakandamuna ne, Nebajule mutshi wonso udi kawi mutentula kudi Tatu wanyi udi mu diulu.