Matayi 10:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Simona, Muena Kananayo, ne Yudasa Isakaliote, wakamutungila tshitungu.

MUKANDA WA MYIDI MUKULU

⁴ Simone, uvua mu tshisumbu tshia baluidi ba ditunga, ne Yudase Iskariyote, uvua mupangile Yezu.

Matayi 10:4 交叉引用

Matayi 26:14

Mukuabo wa bayidi dikumi ne babidi, dina diandi Yudasa Isakaliote, wakaya kudi bakuidi banene ba Nzambi,

Yowanane 13:2

Hakadibo badia, diabolo mumane kubuesha munda mua Yudasa Isakaliote, muana wa Simona bualu bua kutungila Yesu tshitungu;

Yowanane 6:71

Yeye wakadi wamba bua Yudasa, muana wa Simona Isakaliote, bualu bua yeye nguakadi ha kumutungila tshitungu, yeye wakadi umue wabo wa ba dikumi ne babidi.

Marke 14:43

Hakatshidi Yesu wamba nunku, Yudasa, mukuabo wabo wa ba dikumi ne babidi, wakalua ne tshisumbu tshinene tshia bantu, bakadi ne miele ne bibonge bafume kudi bakuidi banene ba Nzambi ne bafundi ne bakulu.

Matayi 26:47

Hakatshidiye wamba nunku, Yudasa, mukuabo wa mu ba dikumi ne babidi, wakalua ne tshisumbu tshinene tshia bantu, bakadi ne miele ne bibonge, bafume kudi bakuidi banene ne bakulu ba bantu.

Luke 22:47

Hakadiye wamba nunku, monai, tshisumbu tshia bantu tshiakalua, mukuabo wabo wa ba dikumi ne babidi, dina diandi Yudasa, wakalua ku mpala kuabo; wakalua ha buihi ne Yesu bua kutuangana nʼandi mishiku.

Luke 22:3

Satana wakahuela munda mua Yudasa, wakadibo babikila ne Isakaliote, yeye wakadi wabo wa ba dikumi ne babidi.

Marke 14:10

Yudasa Isakaliote wa mu bayidi dikumi ne babidi wakaya kudi bakuidi banene ba Nzambi bua kumufila kudibo.

Matayi 27:3

Hashishe, mutshima wa Yudasa, mumutungidi, wakatamba kunyingalala, hakamoneye ne, Bakumuhisha, wakahingana ne bituha bia mpalata makumi asatu kudi bakuidi banene ne kudi bakulu,

Bienzedi 1:25

bua kuangateye muaba mu mudimu eu ne mu bupostolo muakahonena Yudasa bua kuyeye ku muaba wandi muine.

Bienzedi 1:13

Hakahinganabo, bakabanda mu nsubu wa mulu, muakadi muikale Petelo ne Yone ne Yakobo ne Andele ne Filipo ne Toma ne Bâtolomayo ne Matayo ne Yakobo muana wa Alafayo ne Simona muena Lukunukunu ne Yuda wa Yakobo.

Matayi 26:2

Nudi bamanye ne, Hahita matuku abidi, Kuhita kua Yehowa nekulue, nebafile Muana wa muntu bua kumushihabo ku mutshi mutshiamakane.

Matayi 26:15

wakamba ne, Nenumpe tshinyi, nmufile mu bianza bienu? Bakidikisha bujitu bua bituha bia mpalata makumi asatu, bakamuhabi.

Yowanane 6:64

Kadi bakuabo benu kabena bitabusha. Ku tshibangidilu Yesu wakadi mumanye bakadi kabai bitabushe, wakadi mumanye wamutungila tshitungu.