Marke 8:2 - Mukanda wa Nzambi Dihungila Dikulukulu ne Dihungila Dihia-dihia 2003

² Ndi ne bantu aba luse, bualu bua bobo bakusomba nʼanyi matuku asatu, kabena ne tshia kudia;

MUKANDA WA MYIDI MUKULU

² — Ndi mumvue luse bua bantu aba, bualu tudi nabu kukadi matuku asatu, kabatshiena ne tshiakudia to.

Marke 8:2 交叉引用

Matayi 9:36

Kadi hakatangileye bisumbu bia bantu, wakadi nʼabo luse, bualu bua bobo bakadi batata, bakadi bamuangalake bu mikoko idi kayi ne mulami.

Mika 7:19

Yeye neatufuile luse kabidi, neadiate malu mabi etu munda mua makasa andi. Wewe newele malu mabi abo onso mu ndondo wa mai manene.

Misambu 145:15

Mesu a bifukibua bionso adi akutekemena; wewe udi ubihesha bia kudia biabi mu tshikondo tshiabi.

Misambu 103:13

Bu mudi tatu ufuila bana bandi luse, mbu mudi Yehowa ufuila badi bamunemeka luse.

Ebrewu 5:2

udi mumanye mua kuikala ne lutulu kudi bahote ne kudi bahambuki, bualu bua yeye muine udi musuikibue ku butekete;

Ebrewu 4:15

Bualu bua katuena ne muakuidi mimene udi kai mumanye mua kukenga nʼetu mu matekete etu, kadi tudi ne umue wakuteyibua mu mata onso muomumue atudi tuteyibua nʼau, kai ne bubi.

Luke 15:20

Yeye wakabika, wakalua kudi tatu wandi. Hakadiye kuakua, tatu wandi wakamumona, luse luakamukuata, wakanyema lubilu, wakamuela tshituha ku nshingu, wakamutuatua mishiku.

Luke 7:13

Hakamutangila Mukelenge, yeye wakamufua luse, wakamuambila ne, Kudidi.

Marke 9:22

Misangu ya bungi budi bumuela mu kahia ne mu mai bua kumushiha; kadi biwamanya mua kuenza bualu, utufue luse, utukuatshishe.

Marke 6:34

Hakumukeye mu buatu, wakatangila tshisumbu tshinene tshia bantu, wakadi nʼabo luse, bualu bua bobo bakadi bu mikoko yakadi kayi ne mulami; yeye wakabanga kubayisha malu a bungi.

Marke 5:19

Kadi yeye kakitabusha, wakamuambila ne, Uye biebe kuebe kudi balunda bebe, ubamanyishe malu manene akukuenzela Mukelenge ne luse luakukufueye.

Marke 1:41

Luse luakamukuata, wakolola tshianza, wakamulenga, wakamuambila ne, Ndi musue, wikale mulengeshibue.

Matayi 20:34

Luse luakakuata Yesu, wakabalenga ha mesu abo; bakatabala lukasa, bakamulonda.

Matayi 14:14

Yeye wakumuka mu buatu, wakatangila tshisumbu tshinene tshia bantu, wakadi nʼabo luse, wakakolesha bahedi babo.

Misambu 145:8

Yehowa udi ne dinanga, udi ne luse, kena ukuata tshiji lubilu, udi ne luse lujalame lua bungi.

Ebrewu 2:17

Nunku buakadiye nʼabu mbua kufuanyishibua bu bana babo mu malu onso, bua yeye alue muakuidi munene wa luse ne wa kueyemenyibua mu malu adi a Nzambi, bua kufileye milambu ya kubuikidila nʼai bantu mibi yabo.

Marke 6:32

Bakaya nkayabo mu buatu ku muaba wa hatuhu.

Marke 8:3

binabatuma kuabo ne nsala, nebahange mu nshila; bakuabo mbafume kule.

1 Bakalenga 19:6

Wakatabala, wakamona mutanda wa bidia mulamba ha makala a kahia ne mulondo wa mai ku mutu kuandi. Wakadia, wakanua, wakalala kabidi.