Marke 4:39 - Mukanda wa Nzambi Dihungila Dikulukulu ne Dihungila Dihia-dihia 2003

³⁹ Yeye wakabika, wakabuikila luhehele, wakambila dishiha ne, Hua, talala talalâ. Luhehele luakalekela, muaba au wakatalala talalâ.

MUKANDA WA MYIDI MUKULU

³⁹ Yezu utabuluka, kukanyinaye bikole tshipepele, kuambilaye mayi a dijiba ne: — Puwa! Batanta! Tshipepele kutuya, bionsu kubalama menemene.

Marke 4:39 交叉引用

Misambu 107:29

Wakaholesha tshihuhu bua tshituye biatshi, mavuala a mai manene akabatama.

Misambu 89:9

Udi ukokesha kutuntumuka kua mai manene; habanda mavuala au, wewe udi wabutamisha.

Misambu 65:7

Udi ukolesha tshiono tshia mai manene, ne tshiono tshia mavuala au, ne mutoyi wa bantu.

Misambu 29:10

Yehowa wakashikama mu nkuasa wa butumbi mu tshikondo tshia nvula munene; e, Yehowa udi mushikame bu Mukelenge tshiendelele.

Yirmeya 5:22

Yehowa udi ukonka ne, Kanuena nuntshina, anyi? Kanuena nuzakala ku mpala kuanyi, meme nguakuteka nsenga bu mukalu wa mai manene, bu nkila wa tshiendelele udi mai manene kâyi mua kuhitaku, anyi? Bialua mavuala bua kuditutaku, kaena mua kumubumbula; bialuau ne tshiona tshikole, kaena mua kumusambuka.

Nsumuinu 8:29

hakahandileye mai manene mukalu wau, bua mai adimu kâsambuki mukenji wandi, hakasunguleye miaba ya bishimikidi bia buloba,

Misambu 148:8

kahia ne mabue a nvula, neige ne dibungi, tshihehele tshikole tshidi tshitumikila mukenji wandi!

Yobe 38:11

ne hanakamba bianyi ne, Nuemanye mua kufika aku, kadi kuhitshi nansha; ne kunu mene nebalekeshe kudibandisha kua mavuala ebe?

Ekesode 14:22

Bena Isalele bakaya mu bunene bua mai ha buloba bûme, mai akadi bu tshinunu kudibo ku tshianza tshia balume ne ku tshianza tshia bakashi.

Marke 9:25

Hakamona Yesu bantu ba bungi bunguila lukasa, wakabela nyuma wa bukoya, wakamuambila ne, Wewe nyuma wa kamama ne wa mahaha, ndi nku buluila ne, Umuka munda muandi, kubuedimu kabidi.

Ekesode 14:16

Wewe ubishe mujangala webe, wolola tshianza tshiebe ha mai, wahandulule, Bena Isalele nebaye munkatshi mua mai ha buloba bûme.

Luke 4:39

Yeye wakimana mumuinangile, wakakandika disama dia kahia; diakamulekela; yeye wakabika lukasa, wakabalongoluela bia kudia.

Nahume 1:4

Udi ubulukila mai manene, udi wakandisha, udi ukamisha misulu yonso Bashana ne Kâmele bidi bifuba, lutonga lua mu Lebanona ludi lufubidila.

Muadi 3:31

Bualu bua Mukelenge kena wihata muntu tshiendelele.

Matayi 8:26

Yeye wakabambila ne, Nuenu bena ditabusha dikese, nudi nutshinyina tshinyi? Hashishe, yeye wakabika, wakabuikila luhehele ne mai a dishiba, muaba au wakatalala talalâ.

Marke 4:38

Yeye wakadi ku tshitaku tshia buatu, musame ha musamu, mulale tulu; bakamubisha, bakamukonka ne, Muyishi, udi witabusha tufue, anyi?

Luke 4:35

Yesu wakamusamina ne, Hua, Umuka munda muandi. Hakamuela demon hanshi munkatshi muabo, wakumuka munda muandi, kai mumuenzele bibi.

Luke 8:24

Bakalua kudiye, bakamubisha ku tulu, bakamba ne, Mukelenge, Mukelenge, tudi tufua. Yeye wakabika, wakabuikila luhehele ne mavuala; biakalekela, muaba au wakatalala talalâ.