Marke 16:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Hashishe yeye wakamueneka kudi bayidi dikumi ne umue ha nkayabo, hakadibo bashikame badia bidia; yeye wakababela bualu bua buhidia buabo ne bukole bua mitshima yabo, bua bobo bakahidia kuitabusha dî dia bakamumona, hakabikeye ku lufu.

MUKANDA WA MYIDI MUKULU

¹⁴ Ku ndekelu, Yezu kumuenekela balongi dikumi ne umue pavuabu badia. Uvua ubatandisha bua pavuabu kabayi ne ditaba ne pavuabu ne muoyi mupape kabayi mua kuitaba bantu bavua bamane kumumona ne muoyi bamba.

Marke 16:14 交叉引用

1 Korente 15:5

wakamueneka kudi Kefa, ne ku nyima kudi bapostolo dikumi ne babidi;

Didimanyisha 3:19

Bungi bua bandi munange, ndi mbabela, ndi mbakengesha; nunku, wikale ne lukunukunu ne ukudimune mutshima webe.

Yowanane 20:27

Yeye wakambila Toma ne, Tuma munu webe kunoko, umone bianza bianyi; tuma tshianza tshiebe, utshibueshe mu lubadi luanyi; kuikadi ne mpata, witabushe.

Matayi 11:20

Yesu wakabanga kuela misoko yakadiye wenza malu andi a bungi a kukema mulau, bualu bua bena misoko kabakukudimuna mitshima yabo.

Luke 24:25

Yesu wakabambila ne, Nuenu bantu kabai ne lungenyi, nudi nunenga ha kuitabusha mei onso akamba baprofete!

Marke 7:18

Yeye wakabakonka ne, Nuenu kabidi kanuena bamanye bualu ebu, anyi? Kanuena bamanye ne, Tshintu tshionso tshidi hamʼbidi handi, biabuelatshi munda mua muntu, katshiena tshimanye mua kumubihisha?

Matayi 17:20

Yeye wakabambila ne, Bualu bua ditabusha dienu diakadi dikese. Bulelela, ndi nuambila ne, Binuikala ne ditabusha bunene bua lutete lua mutada, nenuambile mukuna eu ne, Umukaku, ya kuakua, neumuke; kakuena bualu budi mua kunukolela. [

Dibadika 14:11

Yehowa wakambila Mose ne, Bantu aba nebampetule musangu bule munyi? Nebikale nʼanyi ne mpata musangu bule munyi bua malu a kukema onso anakenza munkatshi muabo?

Matayi 28:17

Hakamumonabo, bakaulukukuila; kadi bakuabo bakela mpata.

Luke 24:11

Kadi mei â akadi bu biakulakula ku matshu abo, kabakitabusha muakambabo.

Yowanane 20:25

Bayidi bakuabo bakamuambila ne, Tuakumona Mukelenge. Kadi yeye wakabambila ne, Bingikala tshi ntangila bibangu bia milonda bidi mu bianza biandi, tshî mbuesha munu mu bibangu bia milonda, tshî mbuesha tshianza mu lubadi, tshiena ngitabusha.

Yowanane 20:26

Hakahita matuku muanda mukulu kabidi, bayidi bandi bakadi mu nsubu, Toma wakadi nʼabo. Bibi biakadi binshila, Yesu wakalua, wakimana munkatshi muabo, wakamba ne, Ditalala dikale kunudi.

Yowanane 21:1

Hakashika malu â, Yesu wakamueneka kabidi kudi bayidi bandi ku dishiba dia Tibelia; wakamueneka nunku:

Yowanane 21:14

Eu wakadi musangu muisatu wakamueneka Yesu kudi bayidi, hakabikeye ku lufu.

Bienzedi 1:3

Hakamaneye kukenga, wakamueneka kudibo ne muoyo, bimanyinu bia buala ebu biakadi bia bungi, wakamuenekamueneka kudibo nunku matuku makumi anai Wamba malu a bukelenge bua Nzambi.