Marke 14:41 - Mukanda wa Nzambi Dihungila Dikulukulu ne Dihungila Dihia-dihia 2003

⁴¹ Wakalua biandi musangu muisatu, wakabambila ne, Nudi nulala nuikisha! Kuakushika; diba diakufika! Muana wa muntu udi mufila mu bianza bia bantu babi.

MUKANDA WA MYIDI MUKULU

⁴¹ Kupinganaye musangu muisatu, ubambila ne: — Nutshidi balale tulu, bikishe? Biakumbanyi. Diba diakanyi. Tangilayi, nebafile Muana wa muntu mu bianza bia bantu babi.

Marke 14:41 交叉引用

Marke 14:35

Wakaya biandi ku mpala tshituha, wakadikuma hanshi, wakatendelela Nzambi, wakamba ne, Biwamanya mua kuenza nunku, tshituha etshi tshia diba tshimpite.

Marke 9:31

Yeye wakadi uyisha bayidi bandi ne, Nebafile Muana wa muntu mu bianza bia bantu, nebamushihe; hamushihabo, yeye neabike kabidi, hahita matuku asatu.

Yowanane 17:1

Hakamba Yesu malu â, wakatangila mulu, wakamba ne, Tatu, diba diakufika; utumbishe Muanʼebe, bua Muana akutumbishe;

Bienzedi 7:52

Muprofete kai wakadi bankambua benu kabai bamukengeshe? Bakashiha bakadi badianjila kuamba diambedi ne, Muakane ulualua; katataka nuenu nuakulua bamutungidi bandi ne bamushihi;

Yowanane 12:27

Katataka mutshima wanyi udi utata, nengambe tshinyi? Tatu, unsungile mu dikenga dia diba edi. Kadi nakuluila ku diba edi bua bualu ebu.

Yowanane 12:23

Yesu wakabambila ne, Diba diakufika bua Muana wa muntu kutumbishibua.

Yowanane 8:20

Yeye wakamba mei â mu muaba wa tshibutshilu tshia mu ntempelo, hakadiye uyisha bantu mu ntempelo; muntu kakamukuata, bualu bua diba diandi kadiakadi dianze kulua.

Yowanane 7:30

Bakakeba mua kumukuata; kadi muntu kakamulenga tshianza, bualu bua diba diandi kadiakadi dianze kulua.

Marke 14:18

Hakadibo bashikame badia, Yesu wakamba ne, Bulelela, ndi nuambila ne, Muanʼenu mukuabo neantungile tshitungu, yeye mene udi udia nʼanyi.

Marke 14:10

Yudasa Isakaliote wa mu bayidi dikumi ne babidi wakaya kudi bakuidi banene ba Nzambi bua kumufila kudibo.

Marke 7:9

Yeye wakabambila ne, Bulelela, nuakuvuisha mukenshi wa Nzambi bu wa hatuhu, bualu bua nuenu kulonda tshilele tshienu.

Matayi 26:2

Nudi bamanye ne, Hahita matuku abidi, Kuhita kua Yehowa nekulue, nebafile Muana wa muntu bua kumushihabo ku mutshi mutshiamakane.

Yezekiyele 20:39

Mukelenge Yehowa udi wamba bua bualu buenu, nuenu ba mu tshisamba tshia Bena Isalele, ne, Yai bienu, muntu ne muntu, nukuatshile mpingu yenu mudimu; kadi ku nyima nenungunvuile bimpe, ne kanuena munyanga dina dianyi dia tshijila ku bintu binudi nufila ne ku mpingu yenu.

Muambi 11:9

Wewe nsongalume, usanke mu bunsongalume buebe, mutshima webe akusankishe mu matuku a bunsongalume buebe; wende mu nshila yonso idi mutshima webe musue ne idi mimpe ku mesu kuebe; kadi Umanye biebe ne, Nzambi neakulumbuluishe bua malu au onso.

2 Bakalenga 3:13

Elisha wakebesha mukelenge wa Isalele ne, Ndi nʼebe bualu kai? Ya biebe kudi baprofete ba tatuʼebe ne ba mamuʼebe. Mukelenge wa Isalele wakamukudimuna ne, Nansha, bualu bua Yehowa wakabikila bakelenge aba basatu hohamue bua kubafila mu bianza bia Bena Moaba.

1 Bakalenga 22:15

Hakafikeye kudi mukelenge, yeye wakamuebesha ne, Mikaya, tuye kuluangana ne Bena Lamota-gilada, anyi tushale? Yeye wakamuambila ne, Ya biebe, wikale ne diakalengele, Yehowa neafile musoko mu bianza bia mukelenge.

1 Bakalenga 18:27

Hakafika munda munya, Eliya wakabaseka ne, Elai dî dikole, bualu bua yeye udi nzambi: yeye udi welangana meji, anyi wakuya kuntu, anyi wakuya ku luendu, anyi yeye udi ulala tulu ne bunudi nʼabu mbua kumuhisha.

Balombodi 10:14

Yai bienu, nudile kudi nzambi inuakasungula; musungile mu ntatu yenu.

Marke 14:40

Wakalua kabidi, wakabasangana balale tulu, bualu bua mesu abo akadi maneme ne tulu; kabakamanya mua kumukudimuna dî.

Marke 14:42

Bikai, tuye; tangilai, muntungidi udi ha buihi.