Marke 1:32 - Mukanda wa Nzambi Dihungila Dikulukulu ne Dihungila Dihia-dihia 2003

³² Hakabuela diba, bakatua kudiye ne babedi bonso ne bakadi bakuatshike ne bademon.

MUKANDA WA MYIDI MUKULU

³² Ku dilolu, diba dimane kubuela, bantu kutuadilabu Yezu babedi bonsu ne bavua ne mikishi mibi.

Marke 1:32 交叉引用

Matayi 8:16

Hakamba diba kuhueka, bakalua ne bantu ba bungi bakadi bakuatshike ne bademon kudiye; wakumusha nyuma mibi ne dî diandi, wakakolesha bena mabedi bonso;

Luke 4:40

Hakamba diba kubuela, bonso bakadi ne bakuatshike mabedi a bungi bakalua nʼabo kudiye; wakabalenga bianza buonso buabo, wakabakolesha.

Marke 3:2

Bakamutentekela ne, Neangondahe dituku dia Lumingu, anyi? Bakasua kumubanda.

Matayi 4:24

Lumu luandi luakatangadika mu luseke luonso lua Sulia; bakalua kudiye ne bantu bonso bakadi basame, bakuabo bakadi bakuatshike mabedi a bungi ne didinyenga, bakuabo bakadi bakuatshike kudi bademon, bakuabo bakadi ne tshiseke, bakuabo bakadi ne tuneke; yeye wakashikisha masama abo.

Marke 1:21

Bakaya mu Kapênuma; dituka dia Lumingu lua Bayuda yeye wakabuela mu nsunagoga, wakabayisha

Matayi 8:17

bua kushikisha dî diakamba muprofete Yeshaya ne, Yeye wakuangata matekete etu, wakutuala mabedi etu.

Marke 1:31

wakalua biandi, wakamukuata ku tshianza, wakamubisha; disama dia mubidi kahia diakamulekela, wakabalongoluela bia kudia.

Luke 4:41

Bademon bakumuka munda mua bantu ba bungi, bela dî bikole ne, Wewe udi Muana wa Nzambi. Yeye wakabasamina, kakitabusha bua bobo kuakula, bualu bua bobo bakamanya ne, Yeye udi Kilisto.