Malaki 3:15 - Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Mpindiu tudi tubikila badi badisue ne, Badi ne dikasa dimpe; bulelela, benji ba malu mabi hadi bajadikibua; bulelela, badi bateta Nzambi badi bahanduka.

MUKANDA WA MYIDI MUKULU

¹⁵ Mpindiewu tudi tujadika ne: bena dikamakama ke bena diakalenga; bena buenzavi ke badi balubuluka. Nansha bobu bakeba Mvidi Mukulu lonji, badi amu bapanduka!’ ”

Malaki 3:15 交叉引用

Malaki 4:1

Yehowa wa misumba udi wamba ne, Monai, dituku nedilue didi diosha bu kahia ka mu tshikutu, ne bonso badi badisue ne benji ba malu mabi honso nebikale bu bisonsa; ne dituku adi didi dilua nedibashidishe, kadiena dibashila nansha muji nansha ditamba.

Malaki 2:17

Nuakutondesha Yehowa ne mei enu. Kadi nudi nukonka ne, Tuakumutondesha munyi? Hanuamba ne, Muntu yonso udi wenza malu mabi udi muakane ku mesu kua Yehowa, ne yeye udi usanka bualu buandi; anyi hanuakonka ne, Nzambi utu walumbulula bilumbu ne kulumbulula kuakane udi kudi kunyi?

1 Petro 5:5

Muomumue, nuenu bansongalume, nukokele bakulumpe. E, buonso buenu nudiluatshishe ne buhuekele, bua kukuatshishangana; bualu bua Nzambi udi uhidia badi badisue, kadi udi uha badi badihuekesha ngasa.

Ebrewu 3:9

Kuakantetaku batatu benu bua kumanya mudi bujalame buanyi, Ne bakamona midimu yanyi bidimu makumi anai.

Bienzedi 12:21

Hakafikila dituku diakasungulabo, Helode wakaluata bilulu bia bukelenge, wakashikama ha nkuasa wa butumbi, wakadi ubambila mei mimpe.

Bienzedi 5:9

Kadi Petelo wakamukonka ne, Nuakusangishila mei enu bua kuteta Nyuma wa Mukelenge munda tshinyi? Tangila, makasa a bakujika bayebe adi ku mbelu, nebaluhuke nʼebe.

Danyele 6:16

Nunku mukelenge wakela dî diandi; bakalua ne Danyele, bakamuela mu buina bua ntambue. Mu diba edi mukelenge wakambila Danyele ne, Nzambi webe ûdi utendelela ku dituku ku dituku akusungile.

Danyele 4:37

Katataka, meme Nebukadenesâ, ndi ntumbisha, ndi nganyisha, ndi nnemeka Mukelenge wa mu diulu; bualu bua bienzedi biandi bionso bidi bia bushuwa, ne malu andi adi makane; yeye udi ne bukole hua kuhuekesha badi benda ne dihetu diabo.

Danyele 4:30

Mukelenge wakamba ne, Eu Babulona mimene, tshiakuibaka musoko eu bu muaba wa mukelenge kushikameye ku bukole buanyi bunene bua mpete butumbi ne buneme, anyi?

Yirmeya 7:10

Hashishe nenulue bua kuimana mu nsubu eu udibo bambikila ku dina dianyi, nuamba ne, Tuakuhandishibua; nudi basungidibue anu bua kuenza malu â mabi, anyi?

Nsumuinu 12:12

Bantu babi badi basamina muoyo ku bintu bidi benji ba malu mabi banyenga, kadi muji wa bantu bakane udi ukuama mamuma.

Misambu 106:14

Kadi bakasamina muoyo ne lukuka lukole mu tshihela; bakatela Nzambi mu tshihela tshia lusenga.

Misambu 95:9

hakanteta batatu benu, hakantetabo bua kumanya mudi bujalame buanyi, ne bakamona bienzedi bianyi.

Misambu 78:56

Kadi bakamuteta ne bakatombokela Nzambi Mutambe Bunene wa mu diulu, kabakatumikila bimanyishilu biandi.

Misambu 78:41

E, bakahingana ku nyima, bakatela Nzambi, bakatatshisha wa Tshijila wa Bena Isalele.

Misambu 78:18

Bakatela Nzambi mu mitshima yabo hakalombabo bia kudia biakasamina mitshima yabo.

Misambu 73:12

Monai, aba mbantu babi; ne badi kabayi ne ntatu matuku onso, badi bavudisha biuma biabo.

Misambu 49:18

Nansha biavudishileye mutshima wandi disanka hatshidiye ne muoyo, nansha hikala bantu bamutumbishe haditutshisheye dikasa dimpe,

Misambu 10:3

Bualu bua muntu mubi udi ufunafuna bua malu adi mutshima wandi musue, munyengi wa bintu udi uhenda Yehowa ne udi umuhetula.

Yobe 22:23

Biwahingana kudi Wa Bukole Buonso, biadihuekesha, biûmusha malu adi kayi makane mu ntenta webe,

Yobe 21:30

Badi basungila muntu mubi dituku dia dikenga, ne badi bahehula dituku dia tshiji tshikole, anyi?

Yobe 12:6

Ntenta ya banyengi ba bintu idi anu ne diakalengele, ne badi bakuatshisha Nzambi tshiji badi bashikama talalâ, nansha yonso mulue ne nzambi wandi mu tshianza tshiandi.

Estere 5:10

Kadi Hamana wakadikanda, wakaya kuandi; wakatuma dî, wakabikila balunda bandi ne mukashi wandi Zeleshe.

1 Korente 10:9

Tulekelai kuteta Mukelenge bu muakamuteta bakuabo babo, bakashihibua kudi nyoka.

Misambu 58:2

Nansha, mu mitshima yenu nudi nuhangidisha malu mabi, ne ha buloba nudi nuidikishila bantu bujitu bua tshimbambila tshia bianza bienu.

Misambu 141:4

Kuinyiki mutshima wanyi ku bualu bubi, ne mu kuenza kuanyi kua bienzedi bibi handi ndamata kudi benji ba malu mabi. Tshidi bianyi bia kudia biabo bilengele.

Muambi 8:14

Bualu bua hatuhu budi buenjibue ha buloba, bua bantu bakane badiku bakaheta malu akadi kuikala kudi bantu babi; bantu babi badiku bakaheta malu akadi kuikala kudi bantu bakane. Nakamba ne, Bualu ebu budi hatuhu kabidi.

Yeshaya 2:22

Lekelai kueyemena muntu, udi ne muhuya mu mimpempe ya mu diulu diandi; bua badi mua kumubala bu tshinyi?

Yobe 1:22

Mu malu au onso Yobo kakenza bibi, kakabanda Nzambi ne, Udi wenza bibi.

Misambu 73:3

Bualu bua nakadi mukuatshile bantu badi badisue mukau, hanakatangila diakalengele dia bantu babi.