Lewitiki 7:18 - Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Biadieye tshituha tshia munyinyi wa mulambu wa kuvuisha nʼau ditalala tshidi tshishale tô ne ku dituku disatu, kabena bitabusha mulambu wandi, kabena baubala, netshikale bu tshintu tshibole, ne mundi udi udia munyinyi neadituadile bubi buandi.

MUKANDA WA MYIDI MUKULU

¹⁸ Padi muntu kampande udia munyinyi wa ku mulambu awu dituku disatu, Maweja-Nangila kena mua kuanyisha to. Mulambu wende kawena ne mushinga, bualu munyinyi kautshiena muimpe kabidi bua kuenza nawu midimu ya tshijila. Yonsu udi udia munyinyi awu, mmuena tshibawu. Mmudikebele tshilumbu.

Lewitiki 7:18 交叉引用

Dibadika 18:27

Nebanubadile mulambu udibo banyukula bu bintu biakushihulabo ku tshishihuidi ne bu bintu biakukamabo ha tshikaminu.

Lewitiki 22:25

Kanuitabushi mulambu ei ku bianza bia benyi bua kuyifila kudi Nzambi wenu, mulambu ei idi ne bilema, tshiena nyitabusha bualu bua idi munyanguke.

Lewitiki 11:41

Bintu bionso bidi bidikoka hanshi ha buloba bidi bibi, kanudi bintu ebi.

1 Petro 2:24

Yeye muine wakututuadila malu mabi etu mu mubidi wandi ku mutshi mutshiamakane, bua tuetu, bamane kufua ku malu mabi, tuikale ne muoyo wa ku buakane; kunuakuondahibua ku mibundabunda yandi.

Ebrewu 9:28

nunku, Kilisto kabidi, hakafidibueye musangu umue hua kutualeye mibi ya bantu ba bungi, neamueneke musangu muibidi mutahuluke ku bubi, kudi bantu badi bamuindila tô ne ku luhandu luabo.

Rome 4:11

Wakangata tshimanyinu tshia ditengula bu tshimanyishilu tshia buakane bua ku ditabusha diakadiye nʼadi hakadiye kai mutengula, bua yeye kuikala nkambua wa bonso badi bitabusha, nasha bobo kabai batengula kabidi, bua buakane bubadibue kudibo;

Luke 16:15

Yeye wakabambila ne, Nuenu nutu nuadibingisha ku mesu kua bantu, kadi Nzambi udi mumanye mitshima yenu; tshintu tshidi tshitumba ku mesu kua bantu tshidi tshinyanguka ku mesu kua Nzambi.

Malaki 1:13

Yehowa wa misumba udi wamba ne, Nuenu nudi nuamba ne, Monai mudi bualu ebu butulonda! Nuakubilengulula, nuakulua ne nyama inuakunyenga ku bukole, milema ne misame; nudi nulua nʼabi bu milambu! Ndi mua kubitabusha ku bianza bienu, anyi? Edi ndikonka dia Yehowa.

Malaki 1:10

Nakadi kusua bua muntu wa munkatshi muenu inshile bibi bia ku biendelu bia mu ntempelo bua nuenu kanutemeshi kahia ha tshioshelu tshianyi tshianana! Yehowa wa misumba udi wamba ne, Tshiena ne disanka bua malu enu, tshiena ngitabusha mulambu ku tshianza tshienu.

Amosa 5:22

Bulelela, nansha binuafila milambu yenu kundi mudi nungoshila, ne milambu yenu ya bia kudia, tshiena ngiyitabusha; tshiena ntangisha mesu anyi ku milambu yenu ya bimuna bidi ne manyi bua kuyuisha nʼai ditalala.

Osheya 8:13

Badi bafila milambu ya nyama minshihela, badi bafila munyinyi ne badi baudia; kadi Yehowa kena usanka bua bintu ebi. Mpindiu neavuluke bubi buabo neabakengeshe bua malu mabi abo; nebahingane mu Ejipitu.

Yezekiyele 18:20

Muntu udi wenza bibi nyeye muine udi ufua; muana wa balume kena ne bua kuhila bua mibi ya tatu, ne tatu kena ne bua kuhila bua mihi ya muanʼandi wa balume. Buakane bua muntu muakane nebuikale hamʼbidi handi, bubi bua muntu mubi nebuikale hamʼbidi handi.

Yirmeya 14:12

Hajilabo bia kudia, tshiena ngunvua dî diabo, hafilabo milambu ya kuosha ne ya bia kudia, tshiena ngitabusha; kadi nembashihe ku muele wa mata, ku tshiole ne ku tshihuhu.

Yirmeya 14:10

Yehowa udi wambila bantu aba ne, Bobo bakunanga kuendakana mu nshila, kabakukanda makasa abo; nunku Yehowa kena mua kubitabusha nansha; mpindiu yeye neavuluke mibi yabo, neakengeshe benji ba malu mabi.

Yeshaya 66:3

Udi ushiha ngombe udi muomumue ne muntu udi ushiha munga muntu; udi ulambula mukoko udi muomumue ne muntu udi utshibula nshingu wa mbua; udi ulambula mulambu wa bia kudia mmuomumue ne muntu udi ufila mashi a ngulube bu mulambu; udi wosha musenga wa manananshi bu tshivulukidi udi muomumue ne mu ntu udi uvudishila luhingu disanka. Bulelela, bantu aba bakudisunguila nshila yabo, ne mitshima yabo idi isanka mu bienzedi bia tshinyangu tshiabo.

Yeshaya 65:4

Badi bashikame munda mua majambu, badi balala butuku mu miaba idi misokoke; badi badia munyinyi wa ngulube, ne mukelekele wa munyinyi wa tshianana udi mu ngesu yabo;

Lewitiki 22:23

Nudi mua kufila mulume wa ngombe anyi muana wa mukoko udi ne tshidimba tshiandi tshihita bule anyi buihi bu mulambu udi mitshima yenu misue kufila, kadi kanuena mua kufila nyama ei bu mulambu wa kuditshiha nʼau.

Lewitiki 22:16

bua kabatekedi bantu bujitu bua bubi bua bakuidi hadia bakuidi bintu bia tshijila bia bantu meme ndi Yehowa wakabajidila.

Lewitiki 20:19

Kuvudi mamu webe mukuabo anyi tatu webe mukashi bilulu, bualu bua yeye wakavula bana babo bilulu, bobo nebadituadile bubi buabo.

Lewitiki 20:17

Biangata mulume muanʼabo mukashi, muana wa tatuʼandi anyi muana wa mamuʼandi, biavuleye bilulu biandi, ne biamuvula mukashi bilulu, ebu mbualu bua bundu, nebumushibue munkatshi mua bana babo, yeye wakavula muanʼabo mukashi bilulu, yeye nendituadile bubi buandi.

Lewitiki 17:16

Kadi biahidieye kuvuwa bilulu biandi anyi mubidi wandi, yeye neadituadile bubi buandi.

Lewitiki 10:19

Alona wakambila Mose ne, Tangila, bakulua lelu ne mulambu wa kubuikila nʼau bubi buabo, ne mulambu wabo wa kuosha ha kahia ku mesu kua Yehowa, malu au onso akunkuata! Bu meme muebe mulambu wa kubuikila nʼqu bubi bua bantu lelu, bualu ebu buakadi kuikala buimpe ku mesu kua Yehowa, anyi?

Lewitiki 10:17

Bualu kai nuenu kanuena banze kudia mulambu wa kubuikila nʼau bubi mu nsubu wa tshitendelelu, ntshintu tshia tshijila, tshiakanuha Yehowa bua kumusha nʼatshi bubi bua bantu ne bua kubabuikidila nʼatshi bubi buabo ku mesu kua Yehowa?

Lewitiki 5:17

Bienza muntu bualu bubi budi Yehowa uhidia, kayi mumanye bualu, yeye neahile, neadituadile dihila dia bubi buandi.

Lewitiki 7:19

Munyinyi udi utuanganaa ne tshintu tshibi, kabena mua kûdia, nebawoshe mu kahia. Muntu yonso udi mudijidile udi mua kudia munyinyi eu,

Nsumuinu 15:8

Mulambu udi bantu babi bafila udi utondesha Yehowa, kadi ditendelela dia bantu bakane didi dimusankisha.

Lewitiki 19:5

Hanualua ne mulambu wa kubisha nʼau ditalala kudi Yehowa, nûfile ne mutshima udiye mua kuitabusha.