Lewitiki 26:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Kadi binuahidia kunvua dî dianyi, binuahidia kutumikila mikenji yanyi,

MUKANDA WA MYIDI MUKULU

¹⁴ “Panudi nubenga kuitaba meyi anyi, nubenga kulonda mikenji yanyi,

Lewitiki 26:14 交叉引用

Muadi 2:17

Yehowa wakuenza bualu ebu buakuhangidisheye bua kuenza; wakushikisha dî diandi; bu muakeleye mukenji kale, wakukubutula kayi mukuleshe luse; wakusankisha bena lukuna bua bualu buebe, wakubandisha lusengu lua bakukengeshi.

Yirmeya 17:27

Kadi binuahidia kungunvuila mu muanda eu wa kujidila dituku dia Lumingu, kanuyi badikande bua kutuala bujitu anyi kubuela nʼabu ku bibi bia ku Yelushalema dituku dia Lumingu, ka nentemeshe kahia ku bibi ebi, ne koko nekoshe nsubu ya banfumu ya mu Yelushalema, ne kakena kajima nansha.

Lewitiki 26:18

Binuahidia kunvua di dianyi meme mumane kunuenzela malu au onso, nennukengeshe bikole misangu muanda mutekete bualu bua mibi yenu.

Ebrewu 12:25

Nudimuke bua nuenu kanubidi udi wakula nʼenu. Bikalabo kabai bahanduke, hakahidiabo wakabadimusha ha buloba, kudi kutamba kumueneka ne tuetu katuena tuhanduka, badi bumuka kudi udi utudimusha mu diulu.

Bienzedi 3:23

Muntu yonso wahidia kutumikila mei a muprofete au nebamubutule munkatshi mua bantu.

Malaki 2:2

Yehowa wa misumba udi wamba ne, Binuikala kanuyi baunvuile, ne binuikala kanuyi bauteka mu mitshima yenu, bua kunemeka dina dianyi, nennutumine mulau, nenkudimune masanka enu alue milau; eyo, nakumana kuavuisha milau, bualu bua kanuena nuteka dî dianyi mu mitshima yenu.

Muadi 1:18

Yehowa udi mubinge, bualu bua nakutombokela mukenji wandi. Unvuai, nuenu bantu bonso, nutangile kanyinganyinga kanyi, bua mishikankunde yanyi ne bansongalume banyi badi baye mu buhika.

Yoshua 23:15

Bu munuakaheta bintu bimpe bionso biakanuambila Yehowa, Nzambi wenu, nunku Yehowa neanutumine malu mabi onso tô ne hanubutuleye mu buloba ebu buimpe buakanuha Yehowa, Nzambi wenu.

Balombodi 2:15

Kuonso kuakayabo tshianza tshia Yehowa tshiakadi kudibo bua kubenzela bibi bu muakamba Yehowa, ne bu muakaditshiha Yehowa kudibo; bakadi ne ntatu ya bungi.

1 Samuele 12:15

kadi binuikala kanuyi nutumikila dî dia Yehowa, binuahidia mikenji ya Yehowa, nunku tshianza tshia Yehowa netshikale kunudi bu muakaditshi kudi bankambua benu.

2 Kulondolola 7:19

Kadi biwasesuka, biwalekela mei anyi mafunda ne mikenji yanyi binakateka ku mpala kuebe, biwaya kukuatshila nzambi mikuabo mudimu ne bua kuyitendelela,

Nsumuinu 3:33

Mulau wa Yehowa udi mu nsubu wa bantu babi, kadi udi uvudishila nsubu wa bantu bakane disanka.

Yirmeya 11:8

Kadi kabakatumikila dî dianyi, kabakateleja matshu kundi; kadi buonso buabo bakenda anu mu tshitshu tshia mu mitshima yabo mibi; nunku nakabavuishila mei onso a mu tshihungidi etshi anakabambila bua kuenzabo, kadi kabakenza nansha.

Yirmeya 26:4

Ubambile ne, Yehowa udi wamba ne, Binuahidia kunvua mei anyi, bua kuenda bienu mu mikenji inakuteka ku mpala kuenu,

Yirmeya 28:8

Baprofete bakadiku ku mpala kuanyi ne ku mpala kuebe, mu matuku a kale, bakamba mei a kuhisha nʼau bisamba bia bungi ne makelenge manene, mei a kubadimusha bua nvita, bua makenga ne bua tshihuhu.

Yirmeya 40:2

Kapitene ka bansentedi kakakuata Yelemiya, kakamuambila ne, Yehowa Nzambi webe wakahisha bena musoko eu ne mulau eu.

Danyele 9:13

Dikenga edi diakutukuata, bu muakafundabo mu mikenji ya Mose; katuena banze kulomba luse kudi Yehowa Nzambi wetu; katuena banze kulekela malu mabi etu ne katuakutumikila mei ebe a bushuwa.

Osheya 7:12

Hatshidibo baya, nenvungulule bukuondo buanyi ku mpala kuabo; nembahoneshe hanshi bu nyunyu ya mulu; nembakengeshe bu mudi malu mabi abo.

2 Bakalenga 22:13

Yai bienu, nutuebeshile ne Bena Yuda bonso Yehowa bua malu onso adi mafunda mu mukanda wakasanganabo; bualu bua Yehowa wakakuatshila tshiji tshikole bualu bua bankambua betu kabakatumikila mei adi mu mukanda eu bua kuenzabo malu onso adi mafunda bua bualu buetu.

2 Kulondolola 34:24

Yehowa udi wamba ne, Mona, nentumine muaba eu ne bantu badi bashikamamu milau yonso idi mifunda mu mukanda wakubalabo ku mpala kua mukelenge wa Yuda.

Misambu 81:12

Nunku nakabalekela bua kulondabo tshitshu tshia mu mitshima yabo, bua kuendabo mu nshila wakadi meji abo masungule.

Yirmeya 32:23

Bakabuelamu, bakabuangata bu buloha buabo. Kadi kabakatumikila dî diebe, ne kabakenda mu mikenji yebe; kabakenza bualu bumue bua malu onso awakabambila bua kuenzabo. Nunku wewe wakubatumina malu â onso.