Lewitiki 22:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Tshintu tshi difume anyi tshidi tshihandulula kudi nyama yeye kena mua kutshidia, yeye neadinyange nʼatshi meme ndi Yehowa.

MUKANDA WA MYIDI MUKULU

⁸ Padi mutuangaji udia munyinyi wa nyama mudifuile, nansha mushipa kudi nyama mukuabu, udi upia mikiya. Bualu meme ndi Maweja-Nangila.

Lewitiki 22:8 交叉引用

Lewitiki 17:15

Muntu yonso udi udia tshintu tshidifuile anyi tshidi tshihandulule kudi nyama, bikaleye muledibue mu nsubu yenu anyi muenyi, yeye neuvuwe bilulu biandi ne mubidi wandi ne mai, neikale bu muntu udi kayi muakane tô ne dilolo, hashishe yeye neikale muakane.

Ekesode 22:31

Nuenu nenuikale bu bantu bajidila kundi kanudi munyinyi wakahandabo kudi nyama ya mu mpata, nuwele kudi mbua.

Yezekiyele 44:31

Bakuidi kabadi tshintu tshidifuila anyi tshituanya, kudi nyunyu anyi kudi nyama.

Dielulula 14:21

Kanudi tshintu tshidifuile: nudi mua kuha muenyi udi ku mbelu kuenu tshintu atshi, yeye atshidie; anyi nudi mua kutshihanyisha muntu wa bende; bualu bua nuenu nudi bantu ba tshijila kudi Yehowa, Nzambi wenu. Kanulambi muana wa mukoko mu mabele a mamu wandi.

Lewitiki 7:24

Dianyi dia tshintu tshidifuile ne dianyi dia tshintu tshihandibue kudi nyama nudi mua kuenza nʼadi mudimu mukuabo, kadi kanudi dianyi adi.

Yezekiyele 4:14

Hashishe nakamba ne, Aka, Mukelenge Yehowa! Mona, mutshima wanyi kawena muanze kunyanguka nunku; bualu bua ku bunsongalume buanyi tô ne mpindiu tshiena muanze kudia munyinyi wa nyama mudibi! e anyi wakatuanyabo kudi nyama mukuabo; ne munyinyi munyanguke kawena muanze kubuela mukana muanyi.

Ekesode 22:30

Enzai nunku ne ngombe yenu ne mikoko yenu kabidi, muana neikale ne mamu wandi matuku muanda mutekete, kadi numufile kundi dituku dia muanda mukulu.