Kolose 2:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ nuikale ne miji yenu miedibue munda muandi, nuikale nuashibue munda muandi, ne nuikale nujadikibue mu ditabusha dienu, bu munuakayishibua; nukumbane mu disakidila.

MUKANDA WA MYIDI MUKULU

⁷ Asayi miji munda muende, shindikayi mioyi yenu kudiye, shindamayi amu kushindama diba dionsu mu ditaba. Kanusesuki ku bivuabu banulongeshe. Nuele Mvidi Mukulu tuasakidila muenu muonsu.

Kolose 2:7 交叉引用

Efeze 3:17

ne bua Kilisto ikale mu mitshima yenu bua ditabusha; bua muanda eu, ne nuenu, bamane kuela miji ne bashibue mu dinanga,

Yirmeya 17:8

Bualu bua yeye neikale bu mutshi mukunyibue hehi ne mai, udi utuma miji yau ku mai a musulu, udi kauyi utshina halua munya mukole, kadi mabeshi au neashale mabishi; kawena uhohoka mabeshi mu tshidimu tshia munanga, kawena uhanga kukuama mamuma.

Kolose 1:23

binuananukila mu ditabusha, bajadikibua ne bashindikibue bikole, ne kanui basesuishibue ku ditekemena dia lumu luimpe lunuakunvua, luakambibua munkatshi mua bifukibua bionso munshi mua diulu; lunakavuishibua, meme Paulo, muena mudimu walu.

2 Tesalonike 2:17

anusambe mitshima yenu, aijadike mu mudimu muimpe wonso ne mu dî dimpe dionso.

Yeshaya 61:3

bua kusamba badi badila mu Siona, bua kubaha nkata mulengele bua kubuesha ku mutu mu muaba wa butue, mafuta a disanka mu muaba wa madilu, tshivualu tshia butumbi mu muaba wa mutshima muneme bujitu; bua babikidibue ne, Mitshi ya telebinta ya buakane, ditentula dia Yehowa, bua yeye atumbishibue.

1 Petro 5:10

Ne Nzambi wa ngasa yonso, wakanubikila mu butumbi buandi bua tshiendelele bua mu Kilisto, hanuamana kukenga musangu muihi, yeye muine neanuakashe tshishiki, neanujadike, neanukoleshe.

Efeze 5:20

Misangu yonso nusakidile Nzambi Tatu bua bintu bionso mu dina dia Mukelenge wetu Yesu Kilisto.

Rome 16:25

Butumbi buikale kudi Nzambi, udi ne bukole bua kunujadika bu mudi lumu luimpe luanyi ne kuamba kuanyi kua Yesu Kilisto, bu mudi dibuluibua dia bualu busokoko buakadi buhuwishibue ku bikondo bia tshiendelele;

Misambu 92:13

Badi bakunyibua mu nsubu wa Yehowa, badi bakola mu biendedi bia tshitendelelu tshia Nzambi wetu.

Misambu 1:3

Yeye udi bu mutshi wakukunabo kukala kua misulu ya mai, udi ukuama mamuma au mu tshidimu tshiau; dibeshi diau kadiena difubidila. Malu onso adiye wenza adi atuta diakalengele.

Yuda 1:24

Katataka kudi yeye udi mumanye mua kunulama bua nuenu kanulenduki, ne udi mua kunuteka ku mpala kua butumbi buandi ne disanka ditamba bunene, kanui ne tshilema;

1 Korente 15:58

Nunku, bana betu bananga, nuikale bakole, nutantamane, nukumbashe mudimu wa Mukelenge misangu yonso, bualu bua nudi bamanye ne, Mudimu unudi nuenza mu Mukelenge kawena hatuhu.

Ebrewu 13:15

Nunku bua bualu buandi, tufilafile kudi Nzambi mulambu wa kumutumbisha nʼau, udi biau mamuma a mishiku idi ijukula ditabusha dia dina diandi.

Kolose 3:17

Ne malu onso anudi nuenza, ne mu mei ne mu bienzedi, enzai onso mu dina dia Mukelenge Yesu; nusakidile Nzambi Tatu bua bualu buandi.

1 Tesalonike 5:18

mu malu onso nusakidile Nzambi, bua edi ndisua dia Nzambi mu Kilisto Yesu bua bualu buenu.

Luke 6:48

yeye udi mufuanangane ne muntu wakadi muibake nsubu, wakimba mutubu mule, wakateka bishimikidi ha mutu ha dibue dinene; hakûla musulu, wakakuma ku nsubu, kawakamanya mua kumutshikisha, bualu bua wakadi muibaka bimpe.

Efeze 4:21

binuikala bamunvuile ne binuikala bayishibue mu Kilisto bu mudi bushua bua mu Yesu;

Yuda 1:20

Kadi nuenu, bananga, nudibake ha ditabusha dienu ditambe dia tshijila, nutendelele mu Nyuma Muimpe,

2 Korente 1:21

Wakatujadika nʼenu mu Kilisto, wakatuela manyi ha mutu, nNzambi;

Yuda 1:12

Aba mbobo badi mabue masokome mu masanka a bidia bia dinanga hadiabo nʼenu; badi balami ba mikoko badi badidisha kabai ne ditshina; badi matutu adi kâi ne nvula matuala ku mpala kudi tshihehele; badi mitshi ya mu mushihu idi kayi ne mamuma, mifue misangu ibidi mijudibue ne miji;

1 Korente 1:8

Yeye kabidi neanujadike tô ne kunshikidilu, bua kanuikadi ne tshia kunubandabo nʼatshi mu dituku dia Mukelenge wetu Yesu Kilisto.

Ebrewu 13:9

Kanusesuishibu ku mayisha a bungi ne a bende; budi buimpe bua mutshima ujadikibue ku ngasa, kenku bia kudia biakadi kabi bikuatshisha bakadi benda nʼabi.