Genese 42:38 - Mukanda wa Nzambi Dihungila Dikulukulu ne Dihungila Dihia-dihia 2003

³⁸ Yakoba wakamba ne Muan anyi kena uya nʼenu, mukuluʼandi udi mufue ne anu yeye umuehele udi mushale, biamukuata bualu bubi mu nshila unuaya, hashishe, nenuvuishe nsuki yanyi mitoke to ne kanyinganyinga mu Muaba wa Bafue.

MUKANDA WA MYIDI MUKULU

³⁸ Yakobe kubenga, wamba ne: — Kanuena nuya ne Binyamine wanyi to. Muanabu ukadi mufue. Yeye ke undi mushale nende. Bu yeye mupete dikasa dibi, panudi nuya nende apu, nenunshipeshe meme mukulumpe bua kanyinganyinga ka lufu luende.

Genese 42:38 交叉引用

Genese 37:35

Bana bandi ba balume bonso ne bana bandi ba bakashi bonso bakabika bua kumusamba, kadi yeye wakahidia bamusambe, wakamba ne, Nenye bianyi mu Muaba wa Lufu, njinga muanʼanyi. Tatu wandi wakamudila.

Genese 42:4

Kadi Yakoba kakatuma Benyamina, muakunyi wa Yosefe, ne bana babo, wakamba ne, Bumue bualu bubi nebumukuate.

Genese 37:33

Yeye wakatshimanya wakamba ne, Etshi ntshikowelu tshia muanʼanyi, nyama mubi wakamudia, bulelela, Yosefe udi muhandibue bihese bihese kudi nyama.

Genese 42:13

Bobo bakamuku dimuna ne, Tuetu, bantu bebe, tudi bana dikumi ne babidi ba muntu umue wa mu buloba bua Kanana, ne mona, muana wa mukala udi mushale ne tatu wetu katataka, ne mukuabo kenaku.

Yeshaya 46:4

Tô ne ku bununu buenu meme ndi anu mundi emu; tô ne halua nsuki yenu mitoke, nakunufuka, nennutuale, nennutuale, nennusungile.

Yeshaya 38:10

Nakuamba ne, Nembuele mu bibuelelu bia ku Muaba wa Bafue mu matuku a munda munya a bidimu bianyi; bakunyenga tshituha tshia bidimu bia muoyo wanyi tshiakadi tshishala.

Muambi 2:26

Nzambi udi uha muntu udi umusankisha meji, lungenyi ne disanka; kadi udi uha muntu mubi lutatu lua kukunguisha bintu bia kuhesha mukuabo udi usankisha Nzambi. Bualu ebu mbua hatuhu kabidi ne bu kuihata kua luhehele.

Muambi 1:14

Nakatangila malu onso adi menjibue muinshi mua diba; monai, malu au onso adi hatuhu, adi bu kuihata kua luhehele.

Misambu 90:10

Matuku a mu bidimu bietu adi akumbana bu bidimu makumi muanda mutekete; anyi, bituikala ne bukole, bidi mua kukumbana bidimu makumi muanda mukulu; kadi dileha diabi didi dituvuishila anu mudimu mukole ne kanyinganyinga, bualu bua bidi bihita lubilu, ne ludi tuya lukasa.

Misambu 71:18

Nzambi, kundekedi nansha, tô ne ku bununu buanyi ne hangikala ne nvi; kundekedi tô ne bangambila ba mu tshikondo tshialua bua tshianza tshiebe tshikole, ne hangambila badi bandonda ku nyima bua bukole buebe.

1 Bakalenga 2:6

Wenze bu mudi lungenyi luebe; kuitabushi bua mutu wandi udi ne nsuki mitoke tô ubuele mu Muaba wa Bafue ne ditalala.

Genese 44:20

Tuetu tuakakudimuna mukelenge wetu di ne, Tudi ne tatu muntu mununu, ne muan etu mukuabo wakamulelabo ku bununu buandi utshidi mukese, muan abo mukuabo wa difu dimue wakafua, ne anu yeye muana umuehele kua mamu wandi udi mushale ne tatu wandi udi umunanga.

Genese 37:34

Yakoba wakahanda bivualu biandi, wakaluata tshilulu tshikayabala mu tshimono, wakajinga muanʼandi matuku a bungi.

Genese 42:37

Lubena wakambila tatu wandi ne, Udi mua kushiha bana banyi balume babidi, binahanga kumuhingasha kudi umufile mu tshianza tshianyi, ne meme nemmuhingashe kûdi kabidi.

Genese 43:13

nuangate muakunyiʼenu kabidi, bikai bienu, nuye kudi mulume au.

Genese 44:22

Tuetu tuakambila mukelenge wetu ne, Nsongalume eu kena mua kushiya tatu Wandi, biamushiyeye, tatu wandi neafue.

Yobe 41:32

Udi ushiya mulanjilanji mu mai ukenka ku nyima kuandi, mukuabo wakadi welangana meji ne. Mai manene adi ne nvi mitoke tô.