Genese 41:38 - Mukanda wa Nzambi Dihungila Dikulukulu ne Dihungila Dihia-dihia 2003

³⁸ Palô wakambila bantu bandi ne, Tudi mua kumona muntu mukuabo udi ne mutshima wa Nzambi nunku kudi kunyi?

MUKANDA WA MYIDI MUKULU

³⁸ Mukalenga kuambila balombodi ne: — Muntu ewu udi muwule ne Mueyelu wa Mvidi Mukulu. Katuena mua kupeta muntu mukuabu udi mupite Yozefe to.

Genese 41:38 交叉引用

Yobe 32:8

Kadi nyuma udi munda mua muntu, ne muhuya wa munda mua Wa Bukole Buonso udi ubaha lungenyi.

Danyele 5:14

Nakunvua lumu luebe ne, Nyuma wa nzambi udi munda muebe, ne munya, ne dijingulula dia malu ne meji mahite bulengele bidi bimueneka munda muebe.

Danyele 5:11

Muntu mukuabo udiku mu bukelenge buebe udi ne nyuma wa nzambi ya tshijila munda muandi. Mu matuku a tatuʼebe bakamusangana muikale ne munya, dijingulula dia malu, ne meji, bu meji a nzambi yetu mene. Mukelenge Nebukadenesâ, tatuʼebe mene, wakamuteka kahita ka batempi ba mbuku, bamanyi ba malu a mitoto, Bena Kasada ne bena meji bakuabo.

Dibadika 27:18

Yehowa wakambila Mose ne, Wangate Yoshua, muana mulume wa Nuna, udi ne Nyuma munda muandi, utentekashe tshianza tshiebe ha mutu nʼandi,

Danyele 4:18

Tshilota etshi ntshiotshi tshinakulota, meme, Mukelenge Nebukadenesâ; ne wewe, Beleteshasâ, ungambile dijingulula diatshi, bualu bua bena meji bonso ba mu bukelenge buanyi kabena bamanye mua kundesha dijingulula diatshi. Kadi wewe udi mumanye mua kuenza nunku, bualu bua nyuma wa nzambi ya tshijila udi munda muebe.

Danyele 4:6

Nunku nakela mukenji ne, Balue ne bena meji bonso ba mu Babulona ku mpala kuanyi, bua bobo bamanye mua kummanyisha dijingulula dia tshilota tshianyi.

Danyele 6:3

Danyele eu wakatamba ba-gouverneur bakuabo ne miloho kutumba, bualu bua lungenyi luakadi luhita bule munda muandi; mukelenge wakelangana meji bua kumuteka ku mutu kua bukelenge buandi buonso.

Genese 41:37

Bualu ebu buakadi buimpe ku mesu kua Palô ne ku mesu kua bantu bandi bonso.

Yeshaya 19:11

Bakokeshi ba mu Soana badi anu bahote; lungenyi lua bena meji ba Palô badi batamba kuikala ne meji luakulua buhote. Nudi bamanye mua kuambila Palô ne, Ndi muana wa bena meji, muana wa bakelenge ba kale munyi?

Ezela 7:25

Wewe, Ezela, bu mudi lungenyi lua Nzambi webe lûdi nʼalu mu tshianza tshiebe, sungula balumbuluishi banene ne ba-juge bua bobo balumbuluile bantu bonso badi dishiya dia musulu wa Pelata, bonso badi bamanye mikenji ya Nzambi webe; uyishe yonso udi kayi muyimanye.

Nsumuinu 14:35

Muena mudimu udi ne meji udi uheta diakalengele kudi mukelenge wandi, kadi tshiji tshia mukelenge tshidi kudi muntu udi umufuisha bundu.

Nsumuinu 22:29

Udi utangila muntu udi wenza mudimu wandi ne lungenyi, anyi? Yeye neimane ku mpala kua bakelenge, kena wimana ku mpala kua bantu bahuekele.

Danyele 6:4

Nunku ba-gouverneur ne miloho bakakeba bualu bua kubanda nʼabu Danyele bua muanda wa mu dikokesha diandi dia bukelenge, kadi kabakamusangana ne bualu anyi dihanga, bualu bua yeye wakamanya mua kueyemenyibua, ne kabakasangana dituhakana anyi dihanga munda muandi.