Genese 30:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ Lea wakamba ne, Nzambi wakumpa bintu bia bungi, katataka bayanyi neashale nʼanyi bualu bua meme nakamulelela bana ba balume basambombo, wakamuidika dina ne, Zebuluna.

MUKANDA WA MYIDI MUKULU

²⁰ Leya kuamba ne: — Mpindiewu Mvidi Mukulu mmunsankishe bikole. Bayanyi neannemeke, bualu ndi mumulelele bana ba balume basambombu. Kuinyikaye muana awu dina ne Zebulone.

Genese 30:20 交叉引用

Matayi 4:13

wakumuka mu Nazaleta, wakalua kushikama mu Kapênuma, musoko eu udi hehi ne dishiba, udi ku mukalu wa Zebuluna ne Nafatale;

Genese 49:13

Zebuluna neashikame kukala kua mai manene muaba wandi newikale muaba wa mabi manene, mukalu wandi neufike tô ne ku Sidona.

Genese 35:23

Bana ba balume ba Lea bakadi Lubena, muanʼa bute wa Yakoba, ne Shimeona ne Lewi ne Yuda ne Yisaka ne Zebuluna.

Misambu 68:27

Ka Benyamina mukese udiku, mukokeshi wabo; bakokeshi ba Yuda mu tshisumbu tshiabo tshinene, bakokeshi ba Zebuluna ne bakokeshi ba Nafatale badiku.

Balombodi 5:14

bakadi ne muji wabo mu Amaleka bakumuka mu Efelayima, ku nyima kuebe, Benyamina, wakahueka munkatshi mua bantu bebe; bakokeshi bakafuma ku Maki, ne bafundi bakafuma mu Zebulona.

Balombodi 4:10

Balaka wakabikila Bena Zebuluna ne Bena Nafatale ku Kedeshe; bantu binunu dikumi bakamulonda ku makasa andi; ne Debola wakaya nʼandi.

Genese 46:14

Bana ba balume ba Zebuluna, Selede ne Elona ne Yalele.

Genese 30:15

Yeye wakamukudimuna dî ne, Bualu budi bukese bua wakuangata bayanyi, anyi? Udi musue kuangata tumuma tua muanʼanyi kabidi, anyi? Lakele wakamba ne, Biwampa tumuma tua muanʼebe, Yakoba nealale nʼebe butuku ebu.

Genese 29:34

Wakimita difu dikuabo, wakalela muana wa balume, wakamba ne, Katataka bayanyi neandamate bualu bua nakumulelela bana ba balume basatu, nunku wakadika dina diandi ne, Lewi.

Genese 30:19

Lea wakimita difu kabidi, wakalelela Yakoba muana muisambombo.

Genese 30:21

Ku nyima Lea wakalela muana wa bakashi wakamuidika dina ne, Dina.

Genese 34:12

Binuandomba bintu bia dibaka bidi bitamba bungi, nennuhebi, anjai kumpa nsongaka shi bu mukashi wanyi.

Ekesode 22:17

Biahidia tatu wa mukashi kumufila kudiye, yeye neafute biuma bu bia dibaka dia bakashi batshidi kamama.

1 Samuele 18:25

Shaula wakamba ne, Nuambile Davidi ne, Mukelenge kena ukeba biuma bia dibaka anu tukoba tua Bena Peleshete lukama: bua kusombuela bena lukuna ba mukelenge. Shaula wakadi wela meji munda muandi bua kushihesheye Davidi ku bianza bia Bena Peleshete.

Dielulula 27:13

Bantu aba nebimane ha mutu ha Ebala bua kuela bantu mulau: Lubena ne Gada ne Ashe ne Zebuluna ne Dana ne Nafatale.