Genese 28:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ Yakoba wakaditshiha ne Bikala Nzambi nʼanyi, biandameye bimpe mu nshila mundi nya ne biampeye bintu bia kudia ne bia kuluata,

MUKANDA WA MYIDI MUKULU

²⁰ Yakobe kulaya Maweja-Nangila ne: — Wewe muikale nanyi, mundame bimpe mu luendu luanyi, mumpeshe biakudia ne bia kuvuala,

Genese 28:20 交叉引用

1 Timote 6:8

hadi hatuikala ne bia kudia ne bia kuluata, netuikale ne mitshima mihole ne bintu ebi.

2 Samuele 15:8

Bualu bua hakadi muntu webe mushikame mu Geshû wa mu Sulia wakaditshiha mutshihu ne, Biampingisha Yehowa mu Yelushalema, meme nentendelele Yehowa.

Yowanane 1:16

Buonso buetu tuakuangata tshiuwidi tshiandi, ne ngasa ha mutu ha ngasa.

Misambu 66:13

Nembuele mu nsubu muebe ne milambu ya kuosha ha kahia; nenfile mitshibu yanyi kûdi,

Genese 31:13

Ndi Nzambi wa ku Betele kuwakela manyi ha mutu ha dibue, ne kuwakaditshihila kundi, bika biebe, umuka ku buloba ebu, uhingane ku buloba buakakulelabo.

Bienzedi 18:18

Hakamana Paulo kulala matuku makuabo a bungi ku nyima kua bualu ebu, wakalayangana ne bana babo ba ma Kilisto, wakumuka ne Pisikila ne Akula, wakabanga kusabuka ku Sulia, mumane kubeya nsuki yandi ku Kenekelea, bua yeye wakadi muditshihe.

Misambu 132:2

Uvuluke muakaditshiheye kudi Yehowa, muakalayeye Nzambi Mukole wa Yakoba ne,

Misambu 119:106

Nakuditshiha, nengenze munakuditshiha ne, Nentumikile mei ebe makane majalame.

Misambu 116:18

Nemmane mitshihu yanyi kudi Yehowa; bulelela, nenyimane ku mesu kua bantu bandi bonso,

Misambu 116:14

Nemmane mitshihu yanyi kudi Yehowa; bulelela, nenyimane ku mesu kua bantu bandi bonso.

Misambu 76:11

Uditshihe kudi Yehowa Nzambi webe mitshihu yebe, umufutai; bonso badi bamunyunguluke balue ne maha abo kudi udibo ne bua kutshina;

Misambu 61:8

Nunku nengimbe misambu ya kutumbisha nʼai dina diebe tshiendelele, handi mmana mitshihu yanyi ku dituku ne ku dituku.

Misambu 61:5

Bualu bua wewe, Nzambi, wakunvua mitshihu yanyi, wakumpa buhianyi bua badi banemeka dina diebe.

Misambu 56:12

Nzambi, ndi ne bualu bua kumana mitshihu inakuditshiha kûdi; nenfile milambu ya kusakidila nʼai kûdi.

Yeshaya 19:21

Yehowa nendimanyishe kudi ba mu Ejipitu, ne Bena Ejipitu nebamanye Yehowa mu ditukuadi. Mmuomu, nebamutendelele ne milambu ya kumuoshela ne milambu ya bia kudia biabo, nebaditshihe mutshihu kudi Yehowa, nebenze bu mudibo baditshiha.

Misambu 22:25

Kukutumbisha kuanyi mu disangisha dinene dia bantu ba Nzambi kudi kufuma anu kûdi wewe; nemmane mitshihu yanyi ku mpala kua badi bamutshina.

1 Samuele 14:24

Bantu ba mu Isalele bakadi ne ntatu dituku adi bualu bua Shaula wakakandisha bantu ne, Muntu udi udia tô ne ku dilolo diambedi tshiyi muanze kusombuela badi nʼanyi lukuna, udi ne mulau. Nunku bantu kabakalabula bia kudia.

1 Samuele 1:28

nunku nakumuhingisha kudi Yehowa; nakumufila kudi Yehowa matuku onso adiye ne muoyo. Yeye wakatendelelaku Yehowa.

1 Samuele 1:11

Yeye wakaditshiha, wakamba ne, Yehowa, biwatangila kunyingalala kua muntu webe mukashi, biwanvuluka, biwikala kuyi uhua muntu webe mukashi muoyo, kadi biwaha muntu webe mukashi muana mulume, meme nemmufile kudi Yehowa matuku andi onso a muoyo wandi: dihaya kadiena dibeya ku mutu wandi.

Genese 28:15

Mona, meme ndi nʼebe, nenkulame kuonso kuwaya nenkuhingashe ku buloba ebu kabidi, tshiena nkulekela tô ne hanashikisha kukuenzela malu onso anakukuambila.

Genese 35:3

tubike tumuke, tuye ku Betele, nengenzeleku Nzambi, waka-ngunvuila mu dituku dia dikenga dianyi, wakadi nʼanyi mu nshila kunakaya, tshioshelu.

1 Kulondolola 4:10

Yabesa wakatendelela Nzambi wa Isalele wamba ne, Nakadi kusua bua wewe kunsankisha ne kulehesha mikalu yanyi ne bua tshianza tshiebe tshikale nʼanyi, bua wewe kundama bua tshibuedi mu malu mabi ne bua meme tshikadi ne kanyinganyinga! Nzambi wakamuha malu akalombeye.