Genese 24:42 - Mukanda wa Nzambi Dihungila Dikulukulu ne Dihungila Dihia-dihia 2003

⁴² Hanakufika lelu ku mushimi wa mai, nakuamba ne, Yehowa, Nzambi wa mukelenge wanyi Abalahama, biwasua kungendesha dikasa dimpe mu nshila unaya,

MUKANDA WA MYIDI MUKULU

⁴² Lelu mfika ku tshiina tshia mayi, meme kutendelela ne: “Maweja-Nangila, Mvidi Mukulu wa mfumuanyi Abrahame, ndi nkusengelela ne: ungendeshe diakalenga mu luendu elu.

Genese 24:42 交叉引用

Nehemya 1:11

Mukelenge, ndi nkusengelela ne, Teleja matshu ebe ku kulomba kua muntu webe ne ku kulomba kua bantu bebe badi ne disanka bua kutshina dina diebe; ndi nkusengelela ne, Uhe muntu webe diakalengele lelu, umufile luse ku mesu kua muntu eu. (Bualu bua meme nakadi mutuadi wa luhanza lua mukelenge).

Rome 1:10

ndomba bianyi ne, Bikala bualu mua kuikala nunku, mpindiu, musangu mumane kuleha, nempete dikasa dimpe ku disua dia Nzambi bua kulua kunudi.

Misambu 90:17

Dianyisha dia Mukelenge Nzambi wetu dikale kutudi, utujadikile mudimu wa bianza bietu; e, bulelela, ujadike mudimu wa bianza bietu tshishiki.

Misambu 37:5

Uteke nshila webe mu bianza bia Yehowa; umueyemene yeye kabidi, ne yeye nênze malu andi.

Ezela 8:21

Hashishe nakela mukenji bua tuetu kujila bia kudia ku musulu wa Ahawa, bua tuetu kudihuekesha ku mesu kua Nzambi wetu, ne bua yeye atuleshe ne bana betu bakese ne bintu bietu nshila mululame.

Bienzedi 10:22

Bakamba ne, Kônelio, kapitene ka masalayi lukama, udi muntu muakane udi utshina Nzambi, lumu luandi ludi luimpe ku tshisamba tshionso tshia Bena Yuda; Nzambi wakamudimusha kudi muanjelo wa tshijila bua kukubikileye ulue mu nsubu muandi ne bua kunvueye mei ebe.

Genese 39:3

Mukelenge wandi wakamona ne, Yehowa udi nʼandi, ne Yehowa wakadi mumuendeshe diakalengele mu tshianza tshiandi mu malu onso akenzeye.

Genese 24:31

Yeye wakamba ne, Ubuele, wewe udi musankishibue kudi Yehowa, udi muimane ha bule bualu kai? Bualu bua nakumana kukulongoluela nsubu ne muaba wa tumelo tuebe.

Genese 24:11

Yeye Wakabikila tumelo binu hanshi ku butshika bua musoko hehi ne mushimi wa mai dilolo ha diba diyaya bakashi bua kusunabo mai.

Genese 24:27

Yeye wakamba ne, Yehowa, Nzambi wa mukelenge wanyi Abalahama, atumbishibue, yeye kakumushila mukelenge wanyi luse luandi ne bulelela buandi, hanakadi mu nshila Yehowa wakandombola ku nsubu wa bana babo ne mukelenge wanyi.

1 Samuele 1:13

Hana wakadi wakula anu mu mutshima wandi, anu mishiku yandi yakadi inyunga, dî diandi ka diakadi diunvuika; nunku Eli wakelangana meji ne yeye udi mukuatshike maluvu,

1 Samuele 9:6

Yeye wakamuambila ne, Mona, mu musoko eu mudi muntu wa Nzambi, bantu bonso badi bamutumbisha; malu onso adiye wamba adi alua malelela; tuye bietu kudiye, yeye atujinguluile ku luendu kutuyaya.