Genese 24:21 - Mukanda wa Nzambi Dihungila Dikulukulu ne Dihungila Dihia-dihia 2003

²¹ Mulume eu wakamutangila talalâ, wakadi welangana meji munda bua kumanyeye ne, Yehowa wakungendesha dikasa bimpe, anyi?

MUKANDA WA MYIDI MUKULU

²¹ Muena mudimu uvua anu mupuwe umukenketa, udiebeja ne: “Maweja-Nangila mmungendeshe diakalenga anyi?”

Genese 24:21 交叉引用

Misambu 107:43

Udi ne meji adimuke biandi bua malu â; bantu belangane meji a luse lujalame lua Yehowa.

Genese 24:12

Yeye wakamba ne, Yehowa, Nzambi wa mukelenge wanyi Abalahama, ndi nkulomba ne, Ungendeshe dikasa dimpe lelu, ufuile mukelenge wanyi Abalahama luse.

Luke 2:51

Yeye wakahueka nʼabo, wakaya ku Nazaleta; wakadi utumikila mei abo; baba wandi wakalama malu â onso mu mutshima wandi.

Luke 2:19

Kadi Malia wakalama mei â onso, wakadi wela meshi munda munda.

Misambu 107:15

Basakidile Yehowa bua luse luandi lujalame ne bua bienzedi biandi bia kukema bidiye wenzela bana ba bantu!

Misambu 107:8

Basakidile biabo Yehowa bua luse luandi lujalame ne bua bienzedi biandi bia kukema bidiye wenzela bana ba bantu!

Misambu 107:1

Sakidilai bienu Yehowa, bualu bua yeye udi muimpe; bua luse luandi ludi lujalame tshiendelele.

Genese 24:56

Yeye wakabambila ne, Kanumpumbishi, bualu bua Yehowa wakungendesha dikasa dimpe, nuntume kudi mukelenge wanyi.

Genese 24:20

Yeye wakaya lubilu, wakahongoluela mai mu luvu lunene, wakaya lubilu ku mushimi kabidi, wakasunyina tumelo biandi tuonso mai.

Genese 24:27

Yeye wakamba ne, Yehowa, Nzambi wa mukelenge wanyi Abalahama, atumbishibue, yeye kakumushila mukelenge wanyi luse luandi ne bulelela buandi, hanakadi mu nshila Yehowa wakandombola ku nsubu wa bana babo ne mukelenge wanyi.