Genese 19:29 - Mukanda wa Nzambi Dihungila Dikulukulu ne Dihungila Dihia-dihia 2003

²⁹ Hakabutula Nzambi misoko ya mu Mpala, yeye wakavuluka Abalahama, wakumusha Lota munkatshi mua dikenga hakabutuleye misoko kuakadi Lota mushikame.

MUKANDA WA MYIDI MUKULU

²⁹ Pavua Mvidi Mukulu ubutula Sodome ne Ngomore, uvua anu muvuluke Abrahame. Ke nuwuaye mupandishe Lote.

Genese 19:29 交叉引用

Dielulula 9:5

Kanuena nuhiana buloba buabo bualu bua buakane buenu anyi bua dijalama dia mitshima yenu: kadi Yehowa, Nzambi wenu, udi ubihata ku mpala kuenu bualu bua bubi buabo; bualu bua kuakasha nʼenu dî diakalaya Yehowa kudi batatu benu, Abalahama ne Isaka ne Yakoba.

Genese 8:1

Nzambi wakavuluka Noa ne nyama yonso ne bimuna bionso biakadi nʼandi mu buatu, Nzambi wakahehesha luhehele ha buloba ne mai akahueka.

Misambu 25:7

Kuvuluki malu mabi anakenza mu bunsongalume buanyi, anyi matomboka anyi; Yehowa, bu mudi luse luebe lujalame, unvuluke bualu bua buimpe buebe.

2 Petro 2:7

ne wakahandisha Lota, muntu muakane hakadiye mutatshishibue ku bienzedi bia bundu bia bashihi ba mikenshi;

Osheya 11:8

Bena Efelayima, ndi mua kunulekela munyi? Bena Isalele, ndi mua kunufila kudi mukuabo munyi? Ndi mua kunuenzela bu munakenzela Adema munyi? Ndi mua kunuvuisha bu Bena Seboima munyi? Mutshima wanyi wakuandamuka munda muanyi, luse luanyi luonso luakutema.

Misambu 145:20

Yehowa udi ulama bonso badi bamunanga, kadi neabutule bantu babi bonso.

Misambu 136:23

Yeye wakatuvuluka hatuakadi bantu bahuekele, bua luse luandi ludi lujalame tshiendelele.

Misambu 106:4

Yehowa, unvuluke hawalesha bantu bebe luse, ulue kunkuatshisha ne luhandu lûdi ubaha,

Misambu 105:42

Bualu bua wakavuluka biandi dî diandi dia tshijila, ne Abalahama muntu wandi.

Nehemya 13:22

Nakelela Bena Lewi mukenji bua kudilengeshabo ne bua bobo balame ku bibi, bajidile dituku dia lumingu. Nzambi wanyi, unvuluke bua bualu ebu kabidi, unfuile luse bu mudi bunene bua dinanga diebe.

Nehemya 13:14

Nzambi wanyi, unvuluke mu bualu ebu; kujimishi bienzedi bianyi bimpe binakenza bua nsubu wa Nzambi wanyi bua mudimu wandi ku mesu kuebe.

Genese 30:22

Nzambi wakavuluka Lakele, Nzambi wakamunvuala, wakajilula munda muandi.

Genese 12:2

Nenkuvuishe tshisamba tshinene, nenkusankishe, nenvuishe dina diebe dinene, ne wewe neuvudishile bakuabo disanka.

Misambu 105:8

Udi uvuluka tshihungidi tshiandi kashidi, ndi mene diakajadikeye tô ne ku bikondo tshinunu,

Genese 11:27

Ei idi ndelanganyi ya tunkanunuina tua Tela. Tela wakalela Abalama ne Nahô ne Halana, Halana wakalela Lota.

Dielulula 7:8

kadi bualu bua Yehowa udi munusue ne bualu bua yeye utu watumikila mulayi wakalayeye batatu benu, Yehowa wakanuhatula ne tshianza tshikole, wakanuhikula mu nsubu wa lukanu, ne mu tshianza tshia Palô, mukelenge wa Ejipitu.

Dielulula 9:27

Uvuluke bantu bebe, Abalahama ne Isaka ne Yakoba; kutangidi tshitshu tshia bantu aba anyi buhidia buabo anyi mibi yabo,

Yezekiyele 14:16

Mukelenge Yehowa udi wamba ne, Nansha bu bantu aba basatu bikalemu, bu mundi ne muoyo, kabakadi kuhandisha mioyo ya bana babo balume anyi ya bana babo bakashi; anu bobo nkayabo bakadi kusungidibua, kadi buloba buine buakadi kubutudibua.

Yobe 35:8

Bubi buebe budi mua kukengesha muntu bu wewe, ne buakane buebe budi bumanye mua kukuatshisha muana wa muntu.